Pentsiodunen plataformak berreraikuntzako eztabaidetan parte hartzea eskatu du
Bizkaiko Pentsiodunak/Ados-Consenso plataformak "pentsiodunen kolektiboa errealitate berri bat berrosatzeko prozesuan parte aktiboa izatea" proposatu du, bereziki, osasun eta zaintza zerbitzu publikoen definizioan, egoitzen ereduari eta mendekotasuna duten pertsonak eta adinekoak artatzeko beste zerbitzu batzuen ereduari buruz eztabaidatzeko.
Ohar baten bidez, Nagusiak, AJPD eta COESPE-Bizkaia elkarteek eta Bilbo, Abanto, Barakaldo, Muskiz, Sestao eta Santurtziko koordinakundeetako pertsona eta bozeramaileek osatutako plataformak iragarri du harremanetan jarriko dela erakunde eta alderdi politikoekin, pentsiodunen eskaerak "jarrera kritikoarekin, positiboarekin eta kolaboratzailearekin, herritarren arteko beharrezko elkarrizketaren eremuan" egiteko.
Hain zuzen, "Gizarte Segurantzari eta osasun eta zaintza zerbitzu publikoei dagokienez" ere iritzia eman ahal izatea eskatu dute, bereziki egoitzen ereduari eta titulartasunari buruz eta mendekotasuna eta adineko pertsonak artatzeko beste zerbitzu batzuei buruz; etxez etxeko laguntzari edo eguneko zentroei buruz, adibidez.
"Osasun-langileei baldintzarik gabeko babesa eman nahi diegu, baita haien eskaera materialei, lanekoei eta zerbitzuaren kalitatekoei ere, arreta berezia jarrita gizarteari egiten dizkieten eskaerei, zuhurtzia eskatuz deseskalatzean kutsatzeak saihesteko", adierazi du plataformak.
Maskarak eta osasuna babesteko beste produktu batzuk (hidrogelak, esaterako) erabiltzeari buruz agintariek emandako azken gomendioen aurrean, BEZa % 21etik % 4ra jaisteko eta doakotasun formula bat ezartzeko eskatu du, gizarte eta ekonomia aldetik kalteberak diren kolektiboentzat.
Kolektibo horrek ohartarazi duenez, "krisiari emandako erantzunak kaltegarriak badira, ez ditugu mobilizazioak baztertzen".
Bestalde, Bizkaiko Pentsiodunen Mugimenduari "bere estrategia eta helburuak berrikusteko" proposatu diote berriro, eta "adostasunera itzultzeko eta ekintza batasuna ezartzeko" eskatu diote.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.