Gipuzkoako hondartzen okupazio-maila ezagutzeko aukera emango du APP batek
Gipuzkoako Foru Aldundiak aplikazio mugikor bat garatuko du, eta, horren bidez, erabiltzaileek lurraldeko hondartzen okupazio-maila ezagutu ahal izango dute, unean-unean. Hala, Gipuzkoako hareatzen edukiera kontrolatu ahal izango da.
Aplikazioa 15 minuturo eguneratuko da, eta hondartza bakoitzaren okupazioari buruzko datuak emango ditu; aldi berean, egoerari buruz ohartaraziko du, kasu bakoitzean ezartzen diren dentsitate-atalaseen arabera.
Hori da, hain zuzen ere, Ingurumen Sailak Hondartzen Lurralde Mahaiaren bilera telematikoan aurkeztu duen baliabide teknologikoetako bat, hondartzen erabilera pandemiaren aurkako prebentzio-neurriekin bateragarri egiteko. Hondarribiko, Orioko, Zarauzko, Getariako, Zumaiako, Debako eta Mutrikuko alkateek ere parte hartu dute bilera horretan, Foru Aldundiak jakitera eman duenez.
Jose Ignacio Asensio Ingurumen diputatuak adierazi duenez, aplikazioak "izugarri erraztuko du edukieraren kontrola eta kudeaketa", eta azpimarratu du Aldundiak herritarren esku jarriko dituela hondartzaz gozatzeko eta osasuna zaintzeko "baliabide guztiak".
Era berean, mapa interaktibo bat eskainiko da, hainbat koloretako ikonoekin, hareatza bakoitzaren okupazioa adierazteko. Alerta-sistema bat ere izango du udalentzat, eta aurrez jakinaraziko ditu edukierak, marea-igoerak eta erabilera-baldintzen aldaketak.
Ekainaren 18tik aurrera, Gipuzkoan uztailaren 1ean egingo den hondartzen denboraldia hasi aurretik, bideometria bidezko edukiera kontrolatzeko sistema bat jarriko da martxan, Azti ikerketa-zentroarekin lankidetzan.
Hondartza Mahaiaren aurreko bileran adostutakoaren arabera, foru erakundeak sentsibilizazio-kanpaina bat egingo du ekainean eta uztailean, kontuan hartu behar dituzten arauen eta arreten berri emateko, hala nola bi orduko egonaldi mugatua eta gizarte-urruntzearen eta higiene-arauen errespetua.
Kanpaina kartelen, megafoniaren, komunikabideen, webguneen eta sare sozialen bidez egingo dute.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.