Eskubide Sozialen Kartak mobilizazioak deitu ditu ekainaren 19an
Aldaketa sozialaren aldeko kolektibo sindikal eta sozialak biltzen dituen Euskal Herriko Eskubide Sozialen Kartak mobilizazioak deitu ditu ekainaren 19an euskal hiriburuetan, "lehenik bizitza" aldarrikatzeko, ELAk eta LABek jakinarazi dutenez.
Mobilizazioen berri eman dute asteazken honetan Bilbon, 'Etxean geratu naiz. Orain kalera aterako gara. Burujabetza bizitzak sustengatzeko, lehenik bizitza!' lelopean, baita Euskal Herriko Eskubide Sozialen Kartak egindako manifestuaren berri ere. 73 atxikimendu ditu dagoeneko, besteak beste, azken hilabeteetan "bizitzaren aldeko borrokan" nabarmendu diren sektoreetako langileak eta hainbat arlotako pertsona ospetsuak, baita sindikatu eta herri mugimenduetako ordezkariak ere.
Manifestuan adierazten denez, COVID-19ak eragindako konfinamendu egunetan "zerbait ikusezina sartu da gure eguneroko bizitzan, eta normaltasuna aldatu du. Gauzak aldatu egin dira eta ez gara aurreko agertokira itzuliko".
Manifestuan babesten denez, "pertsonen, komunitateen eta planetaren babesa lehenetsi behar da, merkatuaren, onura ekonomikoaren eta jabetza pribatuaren babesaren ordez". "Langileen eta herriaren interesak erdigunean jartzeko garaia da", ohartarazten du, "gobernatzen gaituztenek azken hamarkadetan hartutako neurri neoliberalek kolapso egoera batera eraman gaituztela" salatzeko.
"Sistema kapitalistak, heteropatriarkalak, arrazistak eta kolonialistak kolapsora eraman ditu gure bizitzak" baieztatu ondoren, honakoa salatzen du: "gure herrialdeko egunerokoan, bankuen erreskatea dakarten politikak gauzatzen dira, zerbitzu publikoetan etengabeko murrizketak daude eta soldatapeko lana lan-erreformen eta lanen ikusezintasunaren bidez aseezina den merkatu baten mende jartzen da".
Euskal Herriko Eskubide Sozialen Kartak landutako testuan, "krisiak aldaketa eta aukera garaiak" izan ohi direla nabarmentzen da, eta eskaera bat egiten da: "gure erabakien jabe izatea gure bizitzak sostengatzeko eta hemen erabakitzeko, gehiengoen araberako politikak garatzeko asmoz".
Manifestuaren sinatzaileek "eredu sozio-produktibo berri bat, norabide aldaketa erradikal bat eta errealitate berri bat" eskatzen dute, "bizitzak erdigunean" jarriko dituena, "lehena bizitza" delako.
"Pertsona guztientzako eskubide guztiak" ere eskatzen dituzte, eta, horretarako, "eskubide sozial guztiak (osasuna, hezkuntza, elikadura osasungarria, etxebizitza, kultura) eta erabakitzeko ahalmena bermatzea ezinbestekoa" dela uste dute.
Ildo horretan, "indibidualismoan oinarritutako eredutik praktika kolektibo-komunitarioak sustatuko dituen eredurako trantsizioa" egitearen aldeko apustua egin dute, "pertsona guztien eskura jarriz dagozkigun bitartekoak eta geure ekarpenak egiteko aukera emanez".
"Alarma-egoeraren baitan hartu diren kontrol neurriak zein estatuaren birzentralizazioaren aurrean, burujabetzak aldarrikatzen ditugu: gure gorputzari buruzko erabakia, gure herriaren etorkizuna, gure proiektu autoeratuak eta gure eredu sozio produktiboa garatzeko ahalmen osoa", azaldu dute.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.