EBk barneko mugak berriz zabalduko ditu ekainean, eta uztailean kanpokoak
Pandemiaren ondorioz mugetan aplikatzen ari diren neurriak ekainean zehar bertan behera utziko dituzte Europar Batasuneko herrialdeek, eta kanpoko mugak berriz zabaltzeko prestatzen hasiko dira uztailean, Ylva Johansson Barne komisarioak iragarri duenez.
Europako Barne ministroek bideokonferentzia bidez bildu dira ostiral honetan. Estatu “gehienek” mugetako kontrolak egiteari utziko diote ekainaren 15a baino lehen, eta “beste batzuek” gauza bera egingo dute hilabetea bukatu baino lehen.
“Barneko mugak ekainaren 15etik aurrera berriro irekitzeko akordioa itxi dute herrialde gehienek. Salbuespen batzuk daude, horien artean Espainiak uztailak 1eko data finkatu du”, zehaztu du Pieter De Crem Belgikako Barne ministroak Twitter sare sozialean.
Osasun egoerak hobera egin duela ikusita, neurriak mantentzea eta bidaiak debekatzea zentzurik ez duela esan du Johansson komisarioak, baina aldi berean kontuz ibiltzea eta distantzia soziala mantentzea eskatu du agintariak.
Udako oporraldia jomugan, herrialde batzuek, Frantziak eta Alemaniak esaterako, ekainaren 15etik aurrera mugak berriz zabaltzeko asmoa iragarri dute.
Italiak ekainaren 3an zabaldu zituen, eta Austriak egun bat geroago, Italiarekin duen muga kenduta. Gainera, Suedia, Erresuma Batua edo Espainiatik heltzen direnei 14 eguneko koarentena edo koronabirus proban negatiboa ematea eskatzen die Austriak.
Kanpoko mugak
Bestalde, EBren kanpoko mugak berriro zabaltzeko aukeraren inguruan eztabaidatzen hasi dira ministroak ostiral honetan.
Kanpoko mugak irekitzeko datozen egunetan “koordinazio onarekin” estatuekin elkarlanean aritzea nahi du komisarioak, barneko mugekin egin bezala. Zentzu horretan, Bruselak datorren astean bere jarrera azalduko duela iragarri du.
Barneko zein kanpoko mugak berriz zabaltzeko orduan koordinazioa bermatzeko eskatu diote Espainiak eta Italiak Europako Batzordeari, diskriminaziorik ez gertatzeko.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.