Hiru positibo Txagorritxun, ebakuntza ondoren positibo eman duen paziente batengatik
Hiru pertsonak, osasun profesional batek eta bi pazientek (horietako bat gaixotasunaren transmisorea izan da ebakuntza egin ondoren), positibo eman dute COVID-19 proban, Txagorritxuko Ospitalean, Gasteizen.
Osasun Sailak jakitera eman duenez, aurreneko pazienteari bi PCR proba egin zizkioten, ospitaleratu zutenean eta ebakuntza baino lehen, eta bietan negatibo eman zuen.
Hala ere, ebakuntza egin ondoren koronabirusean positibo eman zuen, nahiz eta ebakuntzak COVID-19arekin zerikusirik ez izan. Ondorioz, protokoloa martxan jarri zuten, eta pazientea bakartu eta 75 pertsona baino gehiagori PCR probak egin zizkieten, unitate bereko osasun-langileei eta pazienteei, hain zuzen ere.
Proba horietan osasun profesional batek eta beste paziente batek positibo eman dute.
Gainera, ospitalean sukarra duten paziente guztiei probak egin dizkiete, orain arte inork ez du positibo eman, eta bi paziente kutsatuak egon diren gelak desinfektatu dituzte.
Ikerketaren inguruko xehetasun gehiago astelehen honetan, prentsaurrekoan, emango dituztela iragarri dute Osakidetzak eta Osasun Sailak. Agerraldia 12:30ean hasiko da Eusko Jaurlaritzako egoitzaren areto nagusian, Lakuan.
Euskadi deseskalatzearen 3 fasean sartzeko ordu gutxi batzuk falta direnean, gaixotasunaren agerraldiaren berri eman dute agintariek. Besteak beste, EAEko lurraldeen arteko mugimendu askatasuna, ostalaritzan edukiera mugak desagertu, garraio publikoetan % 100eko frekuentziak eta edukiera berreskuratu eta harreskolak eta haurtzaindegiak % 60ra irekiko dituzte.
Hain zuzen ere, Euskal Herrian antzeman zuten aurreneko agerraldietako bat Gasteizko ospitale honetan gertatu zen, konkretuki otsailean.
Arriskuko ez zen zonalde batera, Andaluziara, bidaia egin zuen mediku batek, ospitalera itzuli zenean, bost egun sintoma arinekin eman zituen, eta sukarrarekin hasi zenean proba egitea eskatu zuen. Positiboa otsaila bukaeran baieztatu zuten, eta ospitaleko dozenaka osasun-langile eta paziente etxeetan bakartu behar izan zituzten.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.