Nafarroak seroprebalentzia azterketa propioa egingo du udazkenean
Nafarroako Gobernuak iragarri duenez, COVID-19 gaitza atzemateko detekzio-probetan positino ematen duten kasuak jarraitzeko sistema areagotuko du, eta, udazkenean, populazio-lagin bati analisiak egingo dizkie. Gainera, gaixotasunarekin bateragarriak diren sintomak dituzten herritarrei PCR probak egingo dizkie, eta babes kolektiboko neurriak indartuko ditu.
Hala iragarri du ostiral honetan Santos Indurain Nafarroako Gobernuko Osasun kontseilariak, Espainiako Osasun Ministerioak Estatu osoan egindako seroprebalentzia azterketaren lehen bi faseen emaitzak aztertzeko egin duen agerraldian. Nafarroan, 2.500 pertsona inguruko laginarekin, herritarren % 6,4k (50.000 pertsona inguru) gaixotasunaren aurkako antigorputzak garatu dituela jakin dute, eta Estatuan, berriz,% 5,8k.
Une honetan, ikerketa horren hirugarren partea egiten ari dira; hortaz, orain arte zabaldutako emaitzak behin-behinekoak dira. Ildo horretatik, Estatuan immunitate mailara iristeko (gutxienez % 60) asko falta dela erakusten dute seroprebalentzia azterketaren lehen bi faseen emaitzek.
Horren harira, Indurainek garrantzia kendu dio lehen eta bigarren proben artean emaitzak izan duen bilakaera eskasari. Alabaina, seroprebalentzia azterketaren emaitzen inguruan egindako hausnarketaren harira, Nafarroako Gobernuak balizko kasu positiboei buruzko "zaintza sistema areagotzea" erabaki duela aurreratu du.
Halaber, Indurainek "beharrezkotzat" jo du seroprebalentzia-inkestak egitea, kasu honetan Nafarroako Gobernuaren ekimenez, eta aurreratu du udazkenean antigorputzak atzemateko analisiak egitea aurreikusita dagoela, gutxi gorabehera 1.000 pertsonako lagin batean, adin-taldearen eta sexuaren arabera prebalentzia ezagutzeko.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.