Koronabirus agerraldiek galarazi egin dute erkidegoen arteko mugikortasuna
Autonomia erkidegoen arteko mugikortasuna hasieran aurreikusitakoa baino astebete lehenago baimentzeko asmoak ezerezean geratu dira, Basurtuko Ospitalean (Bilbo) eta Txagorritxukoan (Gasteiz) aste honetan atzemandako koronabirus agerraldien ondorioz. Izan ere, ekainaren 15etik aurrera baimendu nahi zuten mugikortasuna, alegia, 3 fasea ofizialki amaitu eta gaur egun indarrean dagoen alarma-egoera bertan behera geratu baino astebete lehenago.
Testuinguru horretan, Nafarroak, Kantabriak eta Errioxak dagoeneko iragarri dute momentuz Euskal Autonomia Erkidegoarekiko (EAE) zirkulazio askea baztertu dutela, osasun publikoko arrazoiak direla eta.
Gainera, Ipar eta Hego Euskal Herriaren arteko muga ez dute datorren asteko igandera arte (ekainak 21) zabalduko. Inguruko herrialdeekin dituen mugak hilaren 15ean irekitzeko asmoa du Frantziak, baina Espainiarekin salbuespena egingo du, biek bat egiteko.
Beraz, autonomia erkidegoen arteko mugikortasuna astebete aurreratzeko aukera lausotu egin da azken orduetan, EAEko bi ospitaletan bi koronabirus agerraldi atzeman ostean.
Nafarroaren kasuan, Euskadiko eta Nafarroako herritarren arteko mugikortasuna ez da 3 fasea amaitu arte gauzatuko. Ildo horretatik, zirkulazio askea ahalbidetzeko Foru Gobernuak deseskalatze prozesua amaitu eta alarma-egoera bertan behera geratu arte itxarotea nahiago duela adierazi dio Maria Chivite Foru Gobernuko presidenteak Iñigo Urkullu lehendakariari.
"Zuhurtziaren irizpidea" ezarri omen du Nafarroako Gobernuak mugakide dituen erkidegoekiko mugikortasuna oraindik ez baimentzeko, baina "ez besteei begira, baizik eta geure buruari begira", gaineratu du Chivitek.
Bestalde, Miguel Angel Revilla Kantabriako presidenteak erabaki bera hartu du, lurralde horretako Osasun Departamentuak egindako gomendioak kontuan hartuta. Radio Euskadin egindako elkarrizketa batean, Revillak esan du ekainaren 19an "ia ziur" Kantabria eta Euskadi artean ibili ahalko dela, baina astelehenean lehendakariarekin bilera egiteko zain dagoela.
"Asmo hori dugu, ea astelehenean hitz egiten dugun eta printzipioz hilaren 21erako aurreikusita dagoen data asteburura aurreratu dezakegun; izan ere, astelehenetik ostegunera bitartean bi lurraldeen artean ez dago joan-etorri askorik, baina asteburuetan bai", esan du Revillak.
Horren hitzetan, bera eta lehendakaria "epea ez agortzeko eta ostiralera aurreratzeko asmoa" dute. "Aukera hori ia ziurtzat emango nuke, aste honetan zerbait gertatzen ez bada behintzat, koronabirusa oraindik gure artean dagoelako", azaldu du. "Kontu handiz ibili behar dugu, baina aldi berean ekonomia suspertu beharra dugu, ezin baitugu herrialde hau gelditu", esan du Kantabriako presidenteak.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.