EAEn eta Errioxan marihuana banatzen zuen talde bat desegin dute
Guardia Zibilak droga hazi, landu eta saltzen zuen talde bateko 7 kide atxilotu ditu Errioxan eta Euskadin; urtean 1.800 kilotik gora banatzen zituen. Kalamua modu sistematikoan ekoizteko lau pabiloi desegin dituzte Errioxan, Briones, Haro, Naiara eta Tricio udalerrietan.
Horrez gainera, guztira 5.805 marihuana landare atzeman eta suntsitu dituzte, THC (Tetrahidrocannabinol) lortzeko genetikoki tratatutakoak, eta landareentzako substratu kopuru handiak, landareak tantaka ureztatzeko 24 depositu (1.000 litrokoa bakoitza), 290 balasto, 350 HPS lanpara (sodio presio handikoak), 7.150 euro eskudirutan, irrati-maiztasunen inhibitzaileak, telefono mugikorrak, doitasun-baskulak eta dokumentazio ugari aurkitu dituzte.
Droga ekoizteko hiru pabiloik errendimendu osoan funtzionatzen zuten, horietako bakoitzean urtean sei uzta lortzeko. Horien funtzionamendurako, taldeak legez kanpoko loturak egin zituen sare elektriko publikoan, obra-kanalizazio baten bidez, eta elektrizitatea ostuta 66.270 euroko iruzurra egin dutela kalkulatu dute.
Mozkin ekonomikoak handitzeko, taldea marihuana-garbigailuekin esperimentatzen hasi zen, polena kalamutik atera eta haxixa egiteko. Talde kriminalak gero eta gehiago erabiltzen ari dira metodo hori, trikoma guztiak (erretxina kanabikoaren guruinak) ahalik eta gehien xurgatzeko eta THC kanabinoide maila altuko haxixa lortzeko.
Operazioa iazko maiatzean hasi zen, Guardia Zibilak Haroko 800 metro karratuko industria-nabe baten barruan droga ekoizteko plantazio bat desegin zuenean. Horri esker, 2.765 marihuana-landare konfiskatu zituzten.
Esku-hartze horrekin, agenteek taldeko kideak identifikatu zituzten, eta Errioxako Briones, Naiara eta Tricio herrietako beste hiru pabiloiak aurkitu zituzten. Hori dela eta, kideak atxilotu eta droga ekoizteko pabiloietan eta Haroko bi etxebizitzatan sartu eta miatu zituzten.
Kalamua hazteko eta loratzeko erregimen naturala bizkortzeko, punta-puntako aireztapen eta teknologia sistemak jarri zituen taldeak lau pabiloietan. Kalkuluen arabera, erakunde kriminalak 240.000 euro inguru inbertitu ditu pabiloiak alokatu eta egokitzen.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".