Orioko agerraldiarekin lotutako beste bost kasu posible identifikatu dira
Eusko Jaurlaritzako Osasun Sailak beste bost kasu positibo identifikatu ditu COVID-19aren agerraldiarekin lotuta Orion (Gipuzkoa), baina Nekane Murga sailburuak foku hori kontrolpean dagoela eta oraingoz ez dagoela erkidegoko transmisio-katerik berretsi du.
Murgak koronabirusen pandemiak EAEn izan duen bilakaeraren azken datuak eman ditu. Horren arabera, pandemia hasi zenetik 20.963 pertsona kutsatu eta 1.613 hil dira (azken orduetan hil da azkena).
Orioko agerraldiari dagokionez, kutsatutako 17 pertsona daude, "transmisio-lerro argia" dute, eta "ziur aski" horiekin lotuta dauden bost kasu atzeman dituzte Gipuzkoako beste herri batzuetan, horietako bat atzo bertan Donostian.
Murgaren hitzetan, foku hori kontrolpean dago, agertzen diren kasuak "bigarren mailakoak edo hirugarren mailakoak" direlako, eta Osakidetzak Orion kutsatutako pertsonekin inoiz harremanik izan ez duten pertsonak identifikatzeko gaitasuna duelako.
Sailburuak azpimarratu duenez, gaur egun ez dago birusaren transmisio komunitariorik EAEn, baina arrisku hori egon badago, eta, horregatik, prebentzio neurriak indartzeko eskatu dio gizarteari.
Duela aste batzuk Basurtuko Ospitalean (Bilbo) sortu zen beste foku bati dagokionez, azken orduetan positibo batekin kontaktu estua zuen eta isolamenduan zegoen pertsona batek positibo eman duela jakinarazi du.
Azken horrekin, Basurtuko agerraldiarekin lotutako 46 positibo zenbatu dituzte, eta Txagorritxuko Ospitalean atzeman zutena ez da aldatu, 15 kasu izan baitira.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.