Eibarren emakume bati eraso egin zion gizona Adingabeen Fiskaltzaren esku utzi dute
Asteartean Eibarren (Gipuzkoa) emakume bati arma zuri batez egindako erasoaren ustezko egilea Adingabeen Fiskaltzaren esku jarri dute gaur, osteguna, Eusko Jaurlaritzako Segurtasun Sailak jakitera eman duenez.
Ustezko erasotzaileak 17 urte ditu, eta Eibarko ertzain-etxean entregatu zen atzo, eraso matxistaren biharamunean. Emakumeari, bide publikoan egin zion eraso, Sostoatarren kalean. Segurtasun Sailak azaldu duenez, bikotekidearengana hurbildu eta bortizki jo zuen, biktimaren semea eta lekuko bat ondoan zituela.
Aurpegian eta buruan hainbat kolpe eman ondoren, erasotzaileak emakumea lurrera bota eta bertatik ihes egin zuen, baina handik minutu batzuetara itzuli zen eta labana batekin eraso zion berriro biktimari, hankan zauri bat eraginez.
Une horretan inguruan zeuden herritar batzuek gertatutakoaren berri eman zioten Ertzaintzari, eta zenbait patruila bertaratu ziren. Osasun arloko langileek emakumea artatu zuten, eta osasun zentro batera eraman zuten anbulantzian.
Lekuko baten grabazioari esker (emakumeak semea ondoan zuela jasan zuen erasoaren zati bat ikusten da bideoan), erasotzailea identifikatu eta hura bilatzeko dispositibo berezi jarri zuten martxan, ustezko erasotzailea ez baitzegoen haren etxean.
Atxilotuari genero-indarkeria eta lesioak egotzi dizkiote, eta Ertzaintzaren egoitzan egon da gaur goizeko lehen ordura arte. Ondoren, Adingabeen Fiskaltzaren esku utzi dute, horrek hartu baitu bere gain kasua ikertzeko ardura.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.