Hauek dira EHUren irizpideak datorren ikasturterako
Euskal Herriko Unibertsitateak (EHU) 2020-2021 ikasturtea planifikatzeko irizpideak dokumentu batean bildu ditu, "normaltasun berriko" segurtasun neurriak kontuan hartuta. Hauek dira eman dituen aginduak eta gomendioak:
1- Gutxienez klaseen % 75 aurrez aurrekoak izatea jarri dute helburutzat; hau da, lau ikasgaitatik hiru unibertsitatean ematen saiatuko dira.
2- Jende pilaketak saihestea derrigorrezkoa izango da. Horrela, bada, sarrera eta irteera ordutegiak mailakatuak izango dira eta ikasgelen edukiera mugatu egingo dute.
3- 1,5 metroko segurtasun tartea mantendu beharko da eta, ezinezkoa denean, maskara erabiltzea nahitaezkoa izango da. Musukoa gehienez bi orduz eramango dute eta klasea luzatzen bada, 15 minutuko atsedena izango dute.
4- Ikasleen mugimendua mugatuta egongo da eta zentroak garbitzeko eta desinfektatzeko neurriak hartuko dira.
5- Aurrez aurreko irakaskuntza eta klase telematikoak uztartuko dira, baina talde eta lauhileko bakoitzeko bi ikasgai baino gehiago modu birtual ez emateko gomendioa egin dute. Praktikak (laborategiak, tailerrak, etab.) lehenetsiko dira teoriaren aurrean, eta instalazio horiek praktiketarako soilik erabiliko dira.
6- Ikasgai guztietan ebaluazio jarraiturako planteamendu bat landuko dute, ikaslea urtean zehar egindako lanen eta ariketen arabera ebaluatu ahal izateko, aurrez aurreko azterketarik egin ezin denean.
7- Ikasleek matrikulazio epea ireki aurretik jakingo dute ikasturtearen antolaketa zein izango den, eta tutoretzak telematikoki egin ahalko dira.
8- Baliabiderik ez duten ikasleen eskura hainbat bitarteko jarriko ditu unibertsitateak, besteak beste, ekipamendu informatikoak edo Internetarako konexioa izateko laguntza itzulgarriak.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.