Segurtasun neurriak zorroztuko dituzte Lleidan eta L'Hospitalet de Llobregaten
Kataluniako Gobernuak segurtasun neurriak zorroztu ditu Lleidan eta Segria eskualdean, koronabirusaren agerraldiaren ondorioz. Halaber, L'Hospitalet de Llobregateko (Bartzelona) hiru auzotan ere lehendabiziko neurriak hartzen hasi dira, gero eta kasu positibo gehiago izaten ari direlako.
Generalitateak astelehen gauean onartu zuen dekretu berria. Ez du konfinamendua ezarri, baina etxetik ez irteteko gomendioa egiten die herritarrei.
Lleidako epaile batek ez zuen erabakia berretsi, baina, hala ere, Kataluniako Gobernuak dekretua onartu eta gaur gauerdian sartuko da indarrean.
Meritxell Budo bozeramaileak azaldu duenez, "ez da erabateko konfinamendurik izango, baina lehengora bueltatu beharko gara eta ezingo gara tabernetara joan, ezingo dugu hamar pertsonatik gorako taldeetan egon eta kirola bakarka egin beharko da".
Gauzak horrela, etxera eramateko janaria eta edaria saltzeko soilik ireki ahalko dira tabernak eta jatetxeak, eta dendetara joateko hitzordua hartu beharko da.
Gainera, igerilekuak, gimnasioak, parkeak eta lokal kulturalak –liburutegiak eta museoak izan ezik- itxita egongo dira.
Salvador Illa Espainiako Osasun ministroak esan du Generalitateak jarduerak eta herritarren mugimendua murrizteko onartu duen dekretuak ez ditu Estatuaren eskumenak urratzen, eta agerraldien aurrean "azkar eta irmotasunez" erantzutearen alde egin du.
Azken orduetan, 745 positibo antzeman dituzte Katalunian, horietako 197 Lleidan eta 151 Segria eskualdean.
Zure interesekoa izan daiteke
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Garraio publikoa erabiltzea gomendatu du Donostiako Udalak.
Albiste izango dira: San Juan baleontziaren uretaratzea, Euskadiko anguleroen egoera eta kontrol saioa Eusko Legebiltzarrean
Gaurkoan Orain-en albiste izango direnen laburpena, bi hitzetan.
Osakidetzak Casillako txertaketa-zentroa itxiko du gaur, Bizkaian gripeak gora egiteari utzi baitio
Kutsatzeen kurba egonkortu da txertaketa-ahaleginari eta immunizazio-maila altuari esker. 447.000 pertsona baino gehiagok hartu dute txertoa azken asteetan EAEn, eta horri esker Bilboko txertodromoa itxi ahal izango da, aurreikusita zegoen bezala.
Bilketa Nagusian ezinbestekoak diren 5 elikagaiak, eta eman zenitzakeenik ez zenekien beste batzuk
Elikagaien Bilketa Nagusia azaroaren 7an eta 8an izango da “Kilo bat enpatia” lelopean. Ekimen horretan, donazio guztiek garrantzi handia dute, eta elikagai jakin batzuk urriak dira.
San Juan baleontzia uretaratuko dute ostiral honetan Pasaian, kroskoa eraikitzeko lanak amaituta
Duela hamarkada bat baino gehiago hasitako proiektua, XVI. mendean Kanadan hondoratutako euskal baleontziaren erreplika fidela da. Jarraitu zuzenean, 15.30etik aurrera, uretaratzea orain.eus-en.
San Juan baleontzia: Atlantikoko uretan berpiztu zen euskal altxorra
XVI. mendean Pasaian eraikitzen ziren ontzi ugarietako bat da San Juan itsasontzia. 1565eko udaberrian, Kanadako kostaldearen aurrean hondoratu zen, eta itsaspean egon zen 400 urtez baino gehiagoz. 1978an ontzia aurkitu zuten, eta, harrezkero, euskal merkataritzari eta itsas ondareari buruzko historiaren adierazgarria da. 10 urteko lanen ostean, Pasaiako Albaola ontziolak baleontzi mitikoaren erreplika uretaratuko du gaur arratsaldean.
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.