Nafarroan ikasturte hasierarako prestatutako protokoloa kritikatu dute sindikatuek
Nafarroako Gobernuak 2020-2021 ikasturtearen hasierarako prestatu duen prebentzio eta antolaketa protokoloaren aurkako mezua adostu dute Nafarroako irakaskuntzan ordezkaritza duten sindikatu guztiek, publikoak zein itunpekoak, "horrek ez baitio erantzun nahikoa eta egokia ematen ikasgeletara seguru eta eraginkortasunez itzultzeko erronkari".
"Elkarrekin hitzartutako ikasturte osorako itzulera batengatik, segurua eta presentziala. Osasuna bermatu eskoletan" izenburua duen testua LAB, STEILAS, AFAPNA, ANPE, CCOO, ELA, UGT, SEPNA sindikatuek sinatu dute. Hain zuzen ere, Foru Gobernuak ez duela aurkeztutako protokoloa adostu eta Hezkuntza komunitateko eragileen ekarpenak ez dituela kontuan hartu salatu dute. Hori dela eta, negoziazio foroa sortzea eskatu dute.
Nafarroako irakaskuntzako sindikatuen iritziz, proposamen horrekin "ez da bermatzen irailean ikasgeletara modu seguruan itzultzea". Gainera, "protokoloak ez du edozein hezkuntza prozesutan funtsezkoa den inolako irizpide pedagogiko eta emozionalik jasotzen".
Sindikatuek salatu dutenez, Nafarroako Gobernuak osasun arloko irizpideak izan ditu soilik kontuan, "gure ikasleek merezi duten segurtasuna eta irakaskuntza-eraginkortasuna bermatuko duten neurriak hartzeko behar diren inbertsioak ez egiteko, hala nola ratioak jaistea, plantilla handitzea, espazioak planifikatzea edo materiala hornitzea". Proposamenak hartzen dituen irizpide sanitario horiek, gainera, "aldakorrak eta aurreikusezinak" direla uste dute.
Halaber, egoera horren kudeaketari dagokionez, sindikatuen iritziz, Hezkuntza Departamentuak ikastetxeetako zuzendaritzen eta irakasleen esku uzten du ardura guztia, pandemiaren bilakaera kontuan izanda bere gain hartu beharko lukeenean. "Haien gain hartu behar ez dituzten funtzioak esleitzen dizkie, berez ikasturte hasieran oso handia den lan-karga areagotzen die eta ondorio penalak ere ekar ditzakeen egoeran kokatzen ditu".
Sindikatuek salatu dutenez, gainera, Chiviteren gobernuaren proposamenak "irakasleen, ikasleen eta hezkuntza-komunitate osoaren baldintzen okertze kritikoa dakar praktikan". Arrazoi horregatik, "2020-2021 ikasturte itundua, segurua eta presentziala adosteko" mobilizazioak deitzeko aukera ere aipatzen dute.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.