EAEko COVID-19aren Jarraipen Batzordea gaur bildu da
COVID-19aren Jarraipen Batzordea, Iñigo Urkullu lehendakaria buru dela, bilduta dago goizeko bederatzietatik EAEn koronabirusaren bilakaera aztertzeko; izan ere, azken asteetan kutsatzeen kopuruak gora egin du. Ondorioz, Eusko Jaurlaritzak larrialdi sanitarioa ezarri eta, abuztuaren 19ko aginduz, haren hedapena geldiarazteko neurri murriztaileak areagotu ditu.
Joan den ostiralean, Nekane Murga Osasun sailburuak Euskal Autonomia Erkidegoa izurritearen "bigarren olatuan" zegoela baieztatu zuen, hasi zenetik erregistratu diren kasuen gehieneko kopurua jakinarazi zuenean, 700 baino gehiago. Gainera, larunbatean Bizkaiko egoitzetan izan ziren pandemiaren bigarren olatuaren lehen bi heriotzak. EAEko ospitaleak prestatzen ari dira dagoeneko ohe gehiago hartzeko, bai gela arruntetan, bai ZIUn.
Egoera horretan, COVID-19aren Jarraipen Batzordearen beste bilera bat izaten ari da Lehendaritzan egungo panorama aztertzeko. Urkullu da bilerako burua, eta Osasun, Ekonomiaren Garapen eta Azpiegitura eta Segurtasun sailburuak, Nekane Murga, Arantxa Tapia eta Estefania Beltran de Heredia, ditu lagun, hurrenez hurren. Murga arduratuko da bileran jorratutako gaien berri emateaz, eitb.eus-en zuzenean eskainiko den agerraldi publiko batean.
Hain zuzen ere, astelehen honetarako, Gizarte Zerbitzuen Lehendakariordetzak zaharren egoitzetako lantaldea deitu du, autonomia erkidegoek zentro horietako COVID-19 agerraldien egoeraren berri eman dezaten, baita zer premia edo zailtasun dituzten ere.
Espainiako Gobernuak autonomia erkidegoetako ordezkariak ere deitu ditu, ikasgeletara itzultzeko zalantzak argitzeko. Astearte honetan, abuztuaren 25ean, Hezkuntza sailburuordeak Alejandro Tiana Estatuko Hezkuntza idazkariarekin bilduko dira, eta ostegunean, hilak 27, Osasun, Hezkuntza eta Lanbide Heziketako eta Lurralde Politikako ministroekin.
Albiste gehiago gizartea
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.