Foro Sozialak Euskadiko desagertuen gaineko "egiarako eskubidea" galdegin du
Euskadiko bake-prozesua indartzeko Foro Sozialak, ostegun honetan, eskatu du EAEn azken hamarkadetako "indarkerien zikloaren testuinguruan" desagertu diren herritarren familiek duten "egiarako eskubidea" gauzatzea.
Nekane Altzelai eta Tasio Arrizabalaga Foro Sozialeko ordezkariek prentsaurrekoa eman dute Donostian; gogora ekarri dutenez, abuztuaren 30ean Bortxatutako Desagertzeen Biktimen Nazioarteko Eguna izango da. Euskadin, desagertu ziren eta inoiz topatu ez dituzten zazpi herritarren desagertzeak daude dokumentatuta, Foroak ohar batean esan duenez.
Hauek dira: Irunen bizi ziren eta 1973an Ipar Euskal Herrian desagertu ziren Jose Humberto Fouz, Jorge Juan Garcia eta Fernando Quiroga gazte galiziarrak; Behobian 1976an desagertu zen ETAko buruzagi Eduardo Moreno Bergaretxe "Pertur"; azkenengoz 1979ko maiatzean Hendaian ikusi zuten Tomas Hernandez euskal errefuxiatua; 1980tik desagertuta dagoen Komando Autonomo Antikapitalistetako kide Jose Miguel Etxeberria "Naparra"; eta 1983an tiroketa baten ostean Landetan desagertutako Jean Louis Larre Iparretarrakeko militantea.
Zazpi herritar horiek "egia, justizia, onarpena, erreparazioa, eta ez errepikatzeko bermeak merezi dituzte", eta, gainera, "onarpenik ez duten biktima horietako batzuek baztertuta daudela uste dute", salatu du Foroak.
Talde horrek eskaria erregistratu du Eusko Legebiltzarrean; eskariaren helburua da Euskadik, 2021eko abuztuaren 30ean, ofizialki egitea Bortxatutako Desagertzeen Biktimen Nazioarteko Eguna, Legebiltzarreko sarreran pebetontzia jarriz.
Gainera, irailaren 3rako, konferentzia telematikoa antolatu dute; bortxatutako desagertzeetan espezializatuta dauden eta giza eskubideen aldeko borrokan nabarmendu diren Hego Amerikako emakumeak izango dira bertan. Hauek dira: Nila Heredia Boliviako Osasun ministro ohi eta Egiaren Batzordeko presidentea; Argentinako Madres de la Plaza de Mayo taldeko sortzaile Maria Adela Antokoletz; Desagertuen-Atxilotuen Senideen Elkarteetako Federazio Latinoamerikarraren idazkari nagusi Judith Galarza Campos mexikarra; eta Colombiako Pertsona Desagertuen Bilaketako Unitateko zuzendari Luz Marina Monzon.
Zure interesekoa izan daiteke
Albiste izango dira: Santa Ageda bezpera, sare sozialak adingabeei debekatzea eta pentsioei buruzko dekretua
Gaurkoan Orain-en albiste izango direnen laburpena, bi hitzetan.
Blusa eta nesken kalejiraren ibilbidea moldatzea proposatu du Gasteizko Udalak, segurtasun arrazoiengatik
Andre Mari Zuriaren plazan hasi eta bukatuko den ibilbide zirkularra jarri du mahai gainean Udalak. Orain, kuadrillek hilabeteko epea dute proposamena aztertu eta ekarpenak egiteko.
Adituek ongi ikusten dute 16 urtetik beherakoei sare sozialak debekatzea
Psikologo eta pedagogoentzat erreferentziazko adin bat izatea onuragarria da, nahiz eta argi duten ez dela erraza izango debekua betetzea. Kalean, berriz, denetariko iritziak daude, baina askorentzat debekuak ez du arazoa konponduko.
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea 29 pertsona gehiagori jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela adierazi du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.