Hasiera mailakatua, musukoa denbora guztian eta irakasle gehiago ikasturte berrirako
Musukoa erabiltzea derrigorrezkoa izango da Lehen Hezkuntzako 1. mailatik aurrera (6 urte) Euskal Autonomia Erkidegoko ikastetxeetan, eta ikasturtea era mailakatuan hasiko da. Irailaren 7an hasiko dira eskolak Haur Hezkuntzan, Lehen Hezkuntzan eta Bigarren Hezkuntzako 1. eta 2. mailetan, eta 15ean, aldiz, DBHko 3. eta 4. mailetan eta Batxilergoan. Lan Heziketa irailaren 14tik aurrera hasiko da.
Gainera, zentro bakoitzak arduradun bat izango du, COVID-19arekin lotura dituen kontuak eramateko. Hezkuntza Sailak 1.000 irakasle kontratatzea aurreikusten du, laguntza behar duten zentroetarako.
Eusko Jaurlaritzak ikasturte berrira begira hartutako neurriak aurkeztu ditu Cristina Uriarte Hezkuntza sailburuak, EAEko Babes Zibileko Planaren Aholku Batzordearen (LABI) bileraren ostean.
Ikasturtearen hasiera
Azkenean, eskola egutegi berri bat onartu dute, ikasturtea era mailakatuan has dadin EAEn.
Ez da aldaketarik izango Haur Hezkuntzan, Lehen Hezkuntzan eta Bigarren Hezkuntzako 1. eta 2. mailetan. Irailaren 7an hasiko dute kurtsoa, ikastetxeek hasiera batean ezarri bezala.
DBHko 3. eta 4. mailak eta Batxilergoa irailaren 15ean hasiko dira.
Lanbide Heziketari dagokionez, data desberdinetan hasiko da irail osoan zehar, "tailerrak eta lantokietako praktikak antolatu beharra" dagoelako.
Musukoa denbora guztian
Hezkuntza eta Osasun sailek musukoaren erabilera "indartzea" erabaki dute. Derrigorrezkoa izango da Lehen Hezkuntzako 1. mailatik aurrera, 1,5 metroko segurtasun distantzia gorde arren. Haur Hezkuntzan ez da derrigorrezkoa izango.
Irakasleek beti erabili beharko dute.
Arduradun bana ikastetxe bakoitzean
Ikasketa zentro bakoitzean arduradun bat egongo da, COVID-19arekin zerikusia duten aferak kudeatzeko. Zentroko zuzendaritzarekin batera, Osasun Publikoarekin koordinatuta egingo du lan.
Gainera, ikastetxe bakoitzak erreferentziazko ESI (Erakunde Sanitario Integratua) bat izango du. Ikastetxea horrekin harremanetan jarri beharko da ikasle edo langileren batek positibo ematean. Ikastetxera ezin izango da inor joan sintomarik izanez gero.
Jarraipen Batzorde bat egongo da lurralde bakoitzean, eta astero bilduko da egoeraren bilakaeraren jarraipena egiteko eta neurriak hartzeko.
Kontratazio gehiago
Hezkuntza sailak "aparteko" 1.000 irakasle kontratatzea aurreikusi du, ikasle gehien dituzten ikasgeletako ikastetxeei laguntzeko.
Gainera, zentroetako beharren artean daude "segurtasuna eta higienea bermatzen duten materialak" eta "tresna teknologikoen errefortzua". Zentzu horretan, Eusko Jaurlaritzak 24.361 ekipo eramangarri erosi ditu, behar dituzten ikastetxeen eta familien esku jartzeko.
Higienea eta segurtasuna
Sailak higiene eta segurtasun materiala emango die zentroei, "hezkuntza-jarduera bermeekin garatu" ahal izateko. Gainera, garbiketa enpresekin hasieran aurreikusitako zerbitzua handitzea adostu du. Zentro guztiek garbiketako langileak izango dituzte goizeko ordutegian, komunen eta gainazalen garbiketa indartzeko.
Hezkuntzak hilero 500.000 musuko kirurgiko bidaliko dizkie zentroei. Horiez gain, ikasturte hasieran 800.000 musuko banatuko dituzte. Fisioterapeutak bezalako langile espezializatuentzat, beraien jarduerarako egokiak diren babes ekipamenduak banatuko dira.
Ikasturte berriarekin batera, termometro gehiago banatuko dira, eraikin bat baino gehiago duten edo ikasle gehiago dituzten ikastetxeei laguntzeko. Ekainean kontakturik gabeko termometro digital bana bidali zuten.
Gainera, Hezkuntzak 10.000 poto banatuko ditu irailaren lehen astean, eta 5.000 litro gel hidroalkoholiko hilero.
Aldaketak neurrietan
Espainiako Gobernuak eta autonomia erkidegoek 29 neurri eta 5 gomendio adostu eta hurrengo egunean aurkeztu du Eusko Jaurlaritzak protokoloa. Tartean, 6 urtetik aurrerakoek musukoa derrigorrez erabiltzea eta aurrez aurreko eskolak gutxienez DBHko 2. mailera arte ezartzea adostu zuten.
EAE abstenitu egin zen, Hezkuntza-arloko eskumena autonomia erkidegoarena dela eta Uriarteren saila bere plana prestatzen ari zela argudiatuta. Neurri batzuk berdinak izango zirela eta beste batzuetan aldaketak egongo zirela aurreratu zuen.
INFORMAZIOA OSATZEN ARI GARA
Albiste gehiago gizartea
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.