5.100 ikasletik gora daude bakartuta Hego Euskal Herrian COVID-19agatik

Soraluzeko institutua ostegun honetan irekiko dute berriro; ostiraletik egon da itxita. Nafarroan 2.308 ikasle daude koarentenan, baina ez dute aurreikusten ikastetxerik ixtea.

EITB.EUS

2020/09/16 - 15:59

Azken eguneratzea

2020/09/16 - 22:13

5.108 ikasle daude etxean isolatuta Hego Euskal Herrian: 2.800 Araban, Bizkaian eta Gipuzkoan; eta 2.308 Nafarroan.

Eusko Jaurlaritzako Hezkuntza Sailak Araba, Bizkaia eta Gipuzkoako 59 eskolatako 79 ikasgela bakartuta ditu, koronabirusaren eraginez.

Ohar labur batean, COVID-19ak Euskadiko ikastetxeetan duen eraginaren inguruko datuak eguneratu ditu (asteazkeneko 12:00ak artekoak) Jokin Bildarratzen Sailak, baina ez du bestelako xehetasunik eman.

Ostiralean sailburuak emandako datuekin alderatuta, jaitsi egin da, beraz, erabat itxitako ikastetxeen kopurua, baina igo egin da ikasgelaren bat zarratuta dutenena. Bildarratzen ahotan, ostiralean 30 ziren ikasgelaren bat isolatuta zuten zentroak.

Bestalde, Soraluzeko Institutuak jakinarazi du Hezkuntza Sailak koarentenan dauden irakasleak ordezkatuko dituela eta, ondorioz, ostegun honetan irekiko dutela zentroa.

Zuzendaritzak ohar batean azaldu duenez, ikastetxea ostegunean, 11:30ean, irekiko dute eta orduan abiaraziko dituzte eskola presentzialak.

Soraluzeko institutua ostiraletik dago itxita, irakasle batek positibo eman ostean. Astelehenetik online eman dituzte eskolak.

2.308 ikasle daude itxialdian Nafarroan

Bestalde, azken 24 orduetan 21 ikasgela itxi dituzte Nafarroako ikastetxe ezberdinetan positiboak detektatu dituztelako, eta, ondorioz, beste 461 ikasle jarri dituzten koarentenan.

Guztira, Haur eta Lehen Hezkuntzako ikasleen % 3,60 daude etxean, hau da, 111 ikasgelatako 2.308 lagun.

Javier Remirez Nafarroako Gobernuko bozeramaileak prentsaurrekoan azaldu du ostiral honetan eta hurrengo astelehenean itzuliko direla bakartu behar izan zituzten lehen taldeak. "Argi dago ez zaigula gustatzen taldeak konfinatu behar izatea", esan du Remirezek. "Nafarroako ikasleen ia % 97 eskolara normaltasun osoz joaten ari da". Gauzak horrela, "portzentaje horiek mantentzea" eta "gehiagora ez joatea" espero du.

Adierazi duenez, hezkuntza sistema kontingentzia planaren bigarren jokaleku sendotuan dago une honetan, eta nabarmendu du gaur egun ez dela aurreikusten ikastetxerik ixtea.

Javier Remirezek positibotzat jo du "hezkuntza-komunitate osoaren konpromisoa", bai "arauak betetzeko benetako lezioa ematen ari diren" ikasleena, bai ikastetxeetako langileena eta familiena. Ildo horretan, ikastetxeen barruan arauak "erabat betetzen direla" azpimarratu du.

Ondoko ikastetxeetan antzeman dituzte positibo berriak:

Oliteko Viana Printzea ikastetxean 19 ikasle bidali dituzte etxera; Iruñeko Ermitagaña ikastetxean, 24; Murchanteko Mardones y Magaña kolegioan, 35; Tuterako Griseras eskolan, 47, Elvira España ikastetxean, 25, eta Compañia de Maria eskolan, 46; Erratzuko eskola publikoan, 12; Zizurreko Erreniega ikastetxean, 16; Iruñeko La Compasion Escolapios ikastetxean, 21; Sarrigurengo Santa Maria la Real ikastetxean, 20; Noaingo San Miguel zentroan, 18; Aiegiko Mater Dei eskolan, 17; Barañaingo Santa Luis Marillac ikastetxean, 15; Iruñeko Victor Pradera eskolan, 23; Irurtzungo Atakandoa ikastetxean, 27; Iruñeko Jesusen Bihotza ikastetxean, 29, eta Nuestra Señora del Huerto eskolan, 24.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Albiste gehiago gizartea

Gasteizko Mugimendu Feministak "intentsitate handiko" bi sexu-eraso salatu ditu ostegun gauean

Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.

Detalle de la vértebra cervical infantil de un niño o niña de entre 2 y 5 años con marcas de corte que evidencian prácticas de canibalismo por parte de sus congéneres.

Neolitoko kanibalismoaren aztarna berriak aurkitu dituzte Atapuercan

Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.

Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte

Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.

Donostiako Amara auzoan kalean bizi diren 50 pertsona migratzaileei Arantzazun ostatu emango diete

Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.

Edurne eta Zeledon Txikiren jaitsierak Andre Maria Zuriaren plaza bete du txikien egunean

Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.

El punto morado del Boulevard de San Sebastián reabre para prevenir y atender casos de violencia sexista en Aste Nagusia.

REMITIDA / HANDOUT por AYUNTAMIENTO.

Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma

07/8/2025

Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko

Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.

Osakidetzak haurrei I motako diabetesa goiz detektatzeko Estatuko lehen azterlana abiatu du

6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.

PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian

Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.

EAEk 2.355 biztanle irabazi ditu bigarren hiruhilekoan, atzerritarren etorrerari esker

Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.

Beste sute bat piztu da Artaxoa eta Añorbe artean, baina suhiltzaileek egonkortzea lortu dute

Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.