Azkoien konfinatu egingo du Nafarroako Gobernuak
Nafarroako Gobernuak Azkoien konfinatu egin du, herriko kutsatze kopurua Foru Erkidegoaren batez bestea baino bost aldiz handiagoa dela ikusita.
Udalarekin batera hartu du erabakia Exekutiboak, eta ostegun gauerdian sartuko da indarrean. Horrenbestez, harrezkero ezin izango da herritik atera edo sartu, ezinbesteko bidaia ez bada.
Oraingoz, astebeteko iraupena izango du neurriak, baina luzatu egingo dute egoerak hobera egiten ez badu. Nafarroan konfinatutako lehen herria izango da.
Horrekin batera, Gobernuak beste hainbat neurri hartu ditu Azkoiengo agerraldiak kontrolatzeko:
- Herritarrak ezingo dira seiko edo gehiagoko taldeetan elkartu bizitza pribatuan ere.
- Ostalaritza establezimenduek 22:00etarako itxi beharko dituzte ateak, eta bezero kopurua % 50ekoa izan bearko da (bai barruan, bai terrazetan).
- Dendek eta azokek ere % 50eko edukiera muga izango dute.
- Itxi egingo dituzte hainbat kirol eta kultura instalazio eta parke publiko.
Nafarroako Gobernuaren dekretuaren arabera, neurri horiek urratzeagatik 3.000 eta 60.000 euro arteko isunak jarriko dituzte.
Agerraldiek, gora
Azkoienen 37 positibo izan ziren astelehenean (6.000 biztanle inguru dira), eta koronabirus agerraldiak biderkatu egin dira familia esparruan, batez ere gazteen artean. Herriko jaiak irailaren 6tik 13ra ziren ospatzekoak, baina bertan behera utzi zituzten.
Nafarroako Gobernuak hainbat neurri hartu ditu azkenaldian hainbat lekutan, hala nola Mendillorrin (Iruñea), Tuteran, Zangozan eta Leitzan, baina lehen aldia da herri bat konfinatuko dutena.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.