9 metro karratuko gela batean zeuden 19 gazte salatu dituzte Iruñean
93 salaketa jarri ditu asteburuan Foruzaingoak, osasun arautegia ez betetzeagatik. Tartean, 19 gazte salatu ditu Foruzaingoak, Iruñeko unibertsitate erresidentzia bateko 9 metro karratuko gela batean egoteagatik.
42 pertsona salatu ditu Foruzaingoak musukoa ez erabiltzeagatik edo gaizki jantzita eramateagatik, 29 kalean edateagatik, 20 aforoa ez errespetatzeagatik, kalean segurtasun distantzia errespetatu gabe erretzeagatik eta 1 konfinamendu neurriak ez betetzeagatik.
Ostiralean eta larunbatean, kalean edaten zeuden 23 talderengana bertaratu da Foruzaingoa, Burlatan, Zizur Nagusian, Ardanatz Eguesibarren (10 gazte salatuta) eta Iruñean (19 gazte).
Osasun neurriak ez betetzeagatik (musukoaren erabilerari eta segurtasun distantzien urraketari lotuta) patruilak bidali behar izan dituzte Uhartera, Artikara, Barasoainera, Aitzoainera, Sarrigurenera, Martzillara, Elizondora, Mutilora eta Alesbesera joan. Alesbesko kasinoaren kasuan, foruzainak heltzean, bertan zegoen jendeak atzeko atetik ihes egin zuen.
Zenbait bileretara ere joan dira foruzainak, Larragetan (11 pertsona salatuta) eta Sarrigurenera (9 salaketa).
Mutiloko, Milagroko, Ororbiako eta Mendigorriako tabernetan ere izan da Foruzaingoa. Azken kasuan, tabernako jabeari salaketa jarri dio. Zarata egiteagatik salaketak jarri dituzte Murchanten eta Irurtzunen, eta Berriozarren sei pertsona salatu dituzte kalean edateagatik.
80 pertsona salatu dituzte Burlatan eta Atarrabian boleibolean jolasteagatik
Bestalde, Foruzaingoak 80 pertsona salatu ditu Burlata eta Atarrabia artean, gaur arratsaldean, boleibolean jolasten ari zirela. Izan ere, sei pertsonako muga dago Nafarroan, taldean biltzeko, eta beraz, COVID-19aren kontrako prebentzio neurriak urratzen ari ziren.
Hainbat pertsonaren deia jaso eta gero bertaratu dira agenteak eta hantxe harrapatu dituzte.
Zure interesekoa izan daiteke
Bizkaibusek Gipuzkoako Mugi txartela onartuko du gaurtik aurrera
Horrela, hiru lurraldeetako erabiltzaileek ohiko txartelarekin Bizkaian mugitzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.