743ra jaitsi dira kasuak EAEn eta 411ra Nafarroan, baina urrun daude gomendatutakotik
743 positibo berri izan dira COVID-19an azken 24 orduotan Euskal Autonomia Erkidegoan, ostiralean baino 98 gutxiago. Beraz, egindako proben % 6,1ekoa da positibotasun tasa. Munduko Osasun Erakundeak % 5eko muga ezartzen du pandemia kontrolpean izateko.
Osasun Sailak jakitera eman dituen datuen arabera, 12.122 PCR proba eta antigeno proba egin dituzte larunbatean, aurreko egunean baino 1.255 gehiago. Bezperan egindako probekin alderatuta, positiboen ehunekoak 1,6 puntu egin du behera bi jardunaldi horien artean: % 7,7tik % 6,1era.
743 kasu atzeman dira EAEn (841 izan ziren aurreko egunean). Gipuzkoa da berriz ere kasu gehien dituen lurraldea, 336 positiborekin; hala ere, aurreko egunean baino 94 gutxiago dira. Bizkaian ere behera egin du eta 305 positibo berri atzeman dira, ostiralean baino 16 gutxiago. Araban, berriz, 99 kutsatu dira, aurreko egunean baino 15 kasu gehiago. Beste hiru kasu Euskaditik kanpo bizi diren pertsonei dagozkie.
Ospitaleetan 36 pertsona ospitaleratu dituzte, aurreko egunean baino 22 gutxiago, eta 56 gaixo ZIUn daude, ostiralean baino bost gehiago.
Nafarroako Gobernuaren Osasun Sailak 411 positibo atzeman ditu azken 24 orduetan, 3.336 PCR proba eta test antigeno egin ostean; beraz, positibitate tasa % 12,3koa da. Atzoko %16,1etik jaitsi egin da beraz (547 positibo izan ziren). Nafarroa muturreko egoeran dago, positibo kopurua oso altua da eta positibitate-tasa %12 eta ia %18aren artean ibili da aste osoan.
Halaber, COVID-19ak eragindako hiru heriotza erregistratu ziren Nafarroan, guztiak gizonak, 74 urteko bat eta 86 urteko bi; eta, gainera, aurreko eguneko beste hiru jakinarazi ziren, 92 urteko emakume bat eta 79 eta 85 urteko bi gizon. Pandemia hasi zenetik 649 pertsona hil dira COVID-19arekin Nafarroan.
Zonaldeka, Iruñean eta eskualdean erregistratu dira positiboen % 53, Tuterako eremuan % 25, Lizarraldea % 4 eta Nafarroako gainerako inguruetan banatuta % 18.
Adin-tarteen arabera, 45-59 urte bitartekoak izan dira positibo berri gehienak (% 25) eta 15-29 urte bitartekoak ondoren (% 23). Jarraian, 30-44 urte bitarteko taldea dago, % 19rekin; gero, 60-75 urte bitarteko taldea, % 14rekin; 15 urtetik beherakoen taldea, % 12rekin; eta, azkenik, 75 urtetik gorakoena, % 7rekin. Kasu berrien batez besteko adina 40,7 urtekoa da.
Nafarroako ospitale-sarean 282 pertsona daude ospitaleratuta COVID-19arekin (atzo baino 26 gehiago), eta horietako 37 ZIUn daude (atzo baino bi gehiago).
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.