Nafarroa konfinatzeko eta taberna guztiak ixteko agindua eman du Chivitek
Koronabirusaren hedapena gelditzeko asmoz, Nafarroa konfinatzeko eta taberna guztiak ixteko erabakia hartu dutela jakinarazi du astelehen honetan Maria Chivite Nafarroako Gobernuko presidenteak.
Neurri berriak ostegun honetan sartuko dira indarrean eta gutxienez 15 eguneko iraupena izango dute. Denbora tarte horretan Nafarroan sartzea edo irtetea galarazita egongo da, ezinbesteko kasuetan izan ezik, eta tabernak eta jatetxeak itxita egongo dira.
Arratsalde honetan egin duen ezohiko agerraldian, Chivitek onartu du "neurri gogorrak" direla, baina osasun-egoera larria dela kontuan hartuta eta datuak kezkagarriak direla ikusita, "nahiago izan dugu neurriak berandu baino lehen hartzea eta osasun-sistemaren kolapsatzea saihestea".
Konfinamendu perimetralaz eta ostalaritzaren itxieraz gain, beste hainbat neurri ere hartu Nafarroako Gobernuak. Hala, ia establezimendu guztiak, denda txikiak nahiz saltoki handiak, 21:00etarako itxita egon behar dira.
Halaber, ezingo da kultur eta kirol jarduerarik egin ordu horretatik aurrera.
Garraio publikoan, edukiera erdira murriztuko dute. Eta eremu pribatuan, familia edo bizikidetza unitate bereko kideak soilik elkartu ahalko dira, bakarrik bizi diren edo laguntza behar duten pertsonen kasuan izan ezik.
Osasun zerbitzuaren kolapsoa saihesteko helburua
Chivitek azpimarratu duenez, Nafarroa da "proba gehien egiten dituen erkidegoa, kasuen trazabilitate handia eta datuen fidagarritasun oso ona duena", baina egoera "kezkagarria da azken asteetatik" eta zifrak "oso altuak" dira.
Horrela, bada, eta "osasun sistema kolapsatzea ekiditeko", neurri murriztaile berrik hartzea erabaki dutela esan du, osasun zentro eta erietxeetan COVID-19arekin lotuta ez daude pazienteak artatzen jarraitu ahal izateko.
"Arinago egin behar dugu aurrera, kutsatzea geldiarazteko", azpimarratu du. Eta ohartarazi du arriskurik handienak "aisialdian eta familia eta lagun arteko topaketetan" daudela.
Chivitek erantsi du badakiela gizartea "nekatuta" dagoela, "pandemia luzea eta gogorra" izaten ari delako. "Baina birusa geldiarazteko ezinbesteko da jarduera ahalik eta gehien gelditzea eta prebentzio eta higiene neurriak zorrotz betetzea", ziurtatu du.
"Biziak salbatzen dituzten neurriez ari gara eta betetzen baditugu eraginkorrak izango dira eta bigarren olatua gainditzeko urratsa emango dugu", nabarmendu du.
Edonola ere, egoerak eskatuta aurrerantzean neurri gehiago hartu beharko balira, hala egingo dutela esan du.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.