Biurrun: "Alarma-egoerak edo lege-erreformak soilik muga dezake biltzeko eskubidea"
Garbiñe Biurrun EAEko Justizia Auzitegi Nagusiko jarduneko presidenteak epaiaren nondik norakoak azaldu ditu Radio Euskadiko "Boulevard informativo" saioan, epaitegiak Euskadiko 6 pertsonari bilera sozialak mugatzeko baimena ukatu ostean, ez baitu legezko estaldurarik.
"Eusko Jaurlaritzak iragarritako eta sei pertsona biltzeko eskubidea mugatzeko aginduaz baino ez du hitz egiten epaiak, gainerakoek oinarrizko eskubideak urratzen ez dituztela uste duelako", esan du.
Biurrunek gaineratu duenez, EAEko Justizia Auzitegi Nagusiak "Osasun agintaritzaren akordioa, neurriaren proportzionaltasuna eta erabakia babesten duen lege bat ote dagoen aztertu du", eta horren harira ebatzi du "Osasun Publikoaren arloko neurri berezien arauak ez dituela herritar guztiei eragiten dieten oinarrizko eskubideak murrizten, beraz, ez dago legezko estaldurarik".
Eusko Jaurlaritzak helegitea aurkeztu dezake, Biurrunek onartu duenez, eta neurri hori alarma-egoera batek edo lege-erreforma batek estali behar duela uste du.
Magistratuaren ustez, jarduera soziala murrizteko beste aukera batzuk daude: "jarduera sozialak de facto mugatzeko neurriak, hala nola ostalaritzako ordutegia murriztea edo jarduerak mugatzea, hori bai baitago baimenduta beste lege batzuetan". Garbiñe Biurrunek gaineratu duenez, "jarduera soziala mugatu egin daiteke ostalaritza edo kalean edatea bezalako jarduerak murriztuz".
Bideoa: "10 pertsonen muga gomendioa zen, orain, seikoa, debekua: hori da ez dena onartzen"
CONTENIDO NO ENCONTRADO
Zure interesekoa izan daiteke
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.