Nafarroako mugak eta ostalaritza ixteko agindua berretsi du Auzitegiak
Nafarroako Justizia Auzitegi Nagusiak berretsi egin du Nafarroako mugak, tabernak eta jatetxeak ixteko Maria Chiviteren Gobernuak emandako agindua.
Edonola ere, epai-mahaiak ohartarazpena egin dio Nafarroako Gobernuari, eta jakinarazi dio aurrerantzean jarduteko modua aldatu beharko duela. Hau da, edozein neurri murriztaile ezartzeko Auzitegiaren oniritzia beharko du eta, beraz, neurriak indarrean sartu aurretik epaitegira jo beharko du Chiviteren Exekutiboak. Oraingoan, kontrakoa egin du: neurriak onartu ostean egin dio kontsulta epai-mahaiari.
Horrez gain, ebazpenak dio zazpi eguneko epea Nafarroako Gobernuak txostena igorri beharko duela Auzitegira pandemiaren bilakaera eta neurrien eraginkortasuna zein den azalduz.
ZURE INTERESEKOA IZAN DAITEKE: Bilerak 6 pertsonara mugatzeko baimena ukatu dio Auzitegiak Jaurlaritzari
Kutsatzeen gorakada gelditzeko asmoz ezarritako neurri murriztaile berriak ostegun honetan sartu dira indarrean. Nafarroan sartzea edo irtetea debekatuta egongo da, ezinbesteko arrazoiengatik ez bada behintzat.
Halaber, tabernak eta jatetxeak itxi egin dituzte eta hainbat establezimendutan ordutegiak eta jarduerak mugatuta egongo dira, besteak beste, dendak eta aisialdirako instalazioak 21:00etarako itxita egon beharko dira eta eremu publikoan nahiz pribatuan gehienez sei pertsona elkartu ahalko dira.
Horrez gain, Iruñerrian, garraio publikoan edukiera erdira murriztuko dute, baita hilerrietan ere, azaroaren 1eko jaieguna dela eta.
Aipatu neurriak gutxienez azaroaren 4ra arte egongo dira indarrean.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.