Bizkaiak 400 profesional eta elurra kentzeko 82 makina mobilizatuko ditu neguan
Bizkaiko Foru Aldundiak 2020-2021 Neguko Bidezaintza Plana abiatuko du azaroaren 1ean, eta 2021eko apirilaren 30era arte egongo da indarrean, neguko eguraldi txarrari aurre egiteko lurraldeko foru errepideetan.
Aurtengo negurako prestatu den planaren arabera, 400 profesional inguru arituko dira lanean, elurra kentzeko ibilgailuetako gidariak, laguntzaileak eta zaintzaileak kontuan hartuta, eta Bizkaiko Foru Aldundiaren errepideak kontrolatzeko zentroetatik Neguko Bidezaintza Plana koordinatzen duten langileak gehitu behar zaizkie horiei.
Baliabide materialei dagokienez, elurra kentzeko 82 makina eta izotzik sor ez dadin errepideetan botatzeko 10 milioi kilo gatz pilatu dituzte aurtengo kanpainarako. Imanol Pradales Azpiegituretarako eta Lurralde Garapenerako foru diputatuak berrikuntzarako irizpideak sartu dituztela azpimarratu du, kamerak eta posizionamendu-sistemak kasu, elurra kentzeko makinen erabilera optimizatzeko.
Pradalesen hitzetan, plan honen helburua elurrak eta izotzak errepideetako erabiltzaileei eragin diezazkieketen arriskuak murriztea da, eta errepideak irekita mantentzearen garrantzia nabarmendu du, mugikortasunerako eta lurraldeko jarduera ekonomikorako ezinbestekoak direlako.
Lau maila, trafikoaren egoeraren arabera
Aldundiko Berrikuntzarako eta Bideen Kudeaketarako zuzendari nagusi Jon Larreak azaldu duenez, Neguko Bidezaintza Planak hiru lehentasun mailaren arabera sailkatzen ditu errepideak eta trafikoaren egoeraren araberako lau maila ezartzen ditu, errepidean elurra eta izotza dauden edo ez kontuan hartuta, errepideetara zein baliabide bideratu behar dituen zehazteko.
- Maila berdea. Elurra egin du, baina ez du zuritu. Zuhurtziarekin ibili beharko da errepidean.
- Maila horia. Zuritzen hasi du eta baliteke izotza izatea galtzadan. Gehieneko abiadura murriztuko da, eta kamioiek eta ibilgailu artikulatuek debekatuta izango dute ibiltzea.
- Maila gorria. Elurra eta izotza daude galtzadan, nahikoa zabalduta. Kate edo gurpil bereziekin bakarrik ibili ahalko da.
- Maila beltza. Errepidea ez dago erabiltzeko moduan. Trafikoarentzat itxita egongo da.
Albiste gehiago gizartea
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Sexu bidezko kutsatzeak bikoiztu egin dira azken urtean Euskadin eta GIB kasuak mantendu egin dira
Eusko Jaurlaritzak gaur ezagutarazi duen Hiesaren eta Sexu Transmisiozko Infekzioen Planaren 2024ko memoriaren arabera, iaz 5.305 klamidia, gonorrea eta sifilis kasu atzeman zituzten.
Ingurumen eta erreskate-larrialdi bikoitz baten aurrean jarduteko simulakroa egin dute Karraspion
Eusko Jaurlaritzak eta Foru Aldundiak arrakastaz testatu dute euren arteko koordinazioa Bizkaiko hondartzetako larrialdien urteko simulakroan. Karraspio hondartza (Mendexa) aukeratu dute itsasoko erreskateak eta isuri kutsatzaileak bezalako gertakariei aurre egiteko protokoloak probatzeko.
Emakume bat ikertzen ari dira apirilaren 1ean Bilbon gizon bat ustez indarkeriaz hiltzeagatik
Oraindik ez dute emakumea aurkitu epailearen aurrean deklaratu dezan. Auzitegiko medikuak asfixia zantzu argiak antzeman zituen gorpuan.
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, erizain gazteak 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuaren presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdien ordezkariak ere izan dira.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, laneskaintza publikoetan euskara-maila jaisteagatik
Udalak % 70etik % 40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu egin du.