Gazteluetako irakaslea kartzelan sartzeari uko egin dio Bizkaiko Auzitegiak
Bizkaiko Probintzia Auzitegiak ukatu egin du Leioako Gaztelueta ikastetxeko irakaslea espetxeratzea; izan ere, Auzitegi Gorenak bi urteko kartzela zigorra ezarri zion ikasle ohi bati (adingabea zenean) sexu-abusuak egiteagatik, 2008 eta 2010 urteen artean.
Auzitegi Gorenak 11 urteko kartzela-zigorra murriztu zion auzipetuari, eta, ondoren, biktimak irakasle zigortua espetxeratzeko eskatu zuen, baina Bizkaiko Auzitegiak atzera bota du eskaera; izan ere, espetxean sartzeko, bi urtetik gorakoa izan behar du zigorrak, auzipetuak aurrekaririk ez badu eta berriro eragiteko arriskurik ez badago, EAEko Auzitegi Nagusiko iturriek Europa Press albiste-agentziari jakinarazi diotenez.
Auzitegi Gorenak irailaren amaieran eman zuen jakitera irakasleari ezarritako zigorra 11 urtetik bi urtera jaisteko erabakia; izan ere, auzipetuak ikasleari etengabe abusuak egin zizkiola uste zuen arren, biktimak deskribatutako gertakari larrienak ez zeudela frogatuta ebatzi zuen.
Orduan, zigortua berehala espetxeratzeko eskatu zion ikasleak Bizkaiko organo jurisdikzionalari, "ulertezina izango litzatekeelako Auzitegi Gorenaren epai irmoan zigortutako pederasta bat kartzelan ez sartzea", biktimaren familiak azaldu duenez.
Bere ustez, auzipetuari zigorra jaisteak eragindako "alarma soziala" ez litzateke areagotu beharko aske uztearekin. Hala ere, Bizkaiko Auzitegiak atzera bota du eskaera.
"Tamalgarria eta zentzugabea"
Biktimaren aitak, Juan Cuatrecasasek, esan du "tamalgarria eta zentzugabea" dela, ez bakarrik semearentzat, baita sexu-abusuen biktima guztientzat ere.
Bere ustez, horrek "jurisprudentzia oso arriskutsua eta oso negatiboa ezartzen du, eta sexu-abusuak egiteko deia eragin dezake". "Frogatuta dago nahikoa froga daudela. Ez dakit prozesu judizial honetan parte hartu duen norbait gai izango den familia horri eta biktimari aurpegia emateko eta esateko zergatik egon daitekeen pederasta bat kalean eta zergatik ez den gaitasungabetua izan bere lanbidean jarduteko", gaineratu du, Europa Press albiste agentziari esan dionez. "Lotsagarria izateaz gain, semearen birbiktimizazioa ere badakar", gaineratu du.
Zure interesekoa izan daiteke
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.