Europar Batasun osoa arrisku egoeran, Finlandia eta Greziako gune batzuk izan ezik
Europar Batasun (EB) guztia arrisku egoeran dago, Finlandia eta Greziako lurralde batzuk kenduta, Gaixotasunak Kontrolatzeko eta Prebenitzeko Europako Zentroak (ECDC) egindako mapan adierazi duenaren arabera. Hortaz, Espainiako Gobernuak atzerriko bidaiarentzat hartutako neurriek indarrean jarraituko dute.
Zentro horrek egindako azken maparen arabera, Europar Batasuneko ia herrialde guztiak eta Erresuma Batua zona gorrian daude. Finlandia eta Greziako zonalde batzuk soilik daude maila horian, baita Norvegia ere (Europar Batasunetik kanpo egon arren, Schengen eremuko herrialdea denez kontuan hartzen da).
Urriaz geroztik, EBk mapa hori hartzen du irizpidetzat herrialdeen arteko neurri murriztaileak koordinatzeko eta erabakitzeko. Hainbat herrialde ez dira aipatzen, egiaztatutako daturik ez dagoelako, hala nola Suitza, Balkanetako herrialdeak, Liechtenstein, Ipar Irlanda eta Hungaria. Agentzia horrek astean behin eguneratzen du mapa, ostegunetan, hain zuzen ere.
Egoera ebaluatzeko oinarrizko erreferentzia da 100.000 biztanleko 14 egunetan metatutako intzidentzia, Nazioarteko Osasun Erregelamenduan jasotakoaren arabera ezarritako gaitasunekin osatuta eta Gaixotasunak Prebenitzeko eta Kontrolatzeko Europako Zentroak emandako informazioan oinarrituta.
EBko kideek eta Schengenekin bat egiten duten herrialdeek beharrezko informazio guztia ematen dute.
Egoerari aurre egiteko neurriak
Espainiako Estatuak PCR negatiboa eskatuko die herrialde arriskutsuetatik iristen direnei, eta proba Espainian sartu aurreko 72 orduetan egina izan beharko da, Espainiako Gobernuko Osasun Ministerioak jakitera eman duenez.
Ministeriotik azaldu dutenaren arabera, bidaia-agentziek, operadore turistikoek, itsasoko zein aireko garraio konpainiek eta, oro har, bidaia-txartelak merkaturatzen dituen edonork bidaiariak informatu beharko ditu hartutako neurrien inguruan.
COVID-19aren pandemiari erantzuteko zirkulazio askearen murrizketaren ikuspegi koordinatuari buruzko urriaren 13ko gomendioan jasotako irizpideak hartuko dira erreferentziatzat.
Neurri hori orain arte egon diren neurriei gehituko zaie, hala nola, nazioarteko bidaiariei tenperatura hartzea eta kontrolak egitea.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.