Galduta dabiltzanen mugimenduei jarraitu ahalko die SOS Deiakek, haien baimenarekin
SOS Deiakek martxan jarri duen sistema berri bati esker, galduta dabiltzan pertsonen azken mugimenduak ezagutu ahalko dituzte larrialdi zerbitzuetako langileek, dela kalean orientazioa galdu duten adinekoena, dela mendian bakarrik dauden mendizaleena. Horretarako, baina, pertsona horien aurretiko baimena beharko dute. Asmoa da larrialdi zerbitzuei lana erraztea, eta desagertutako pertsonak albait azkarren aurkitzea.
Josu Erkoreka Segurtasuneko sailburuak eta Maider Larrañaga Larrialdi Arretako Zuzendaritzako teknikariak SOS Deiaken aplikazioak dituen zerbitzu berriak aurkeztu dituzte ostiral honetan.
Bereziki, "bide segurua" delako zerbitzuari eman diote garrantzia, arriskuan dauden edo galduta dabiltzan pertsonen bilaketa edo erreskate lanetan denbora aurrezteko balio duelako.
Sakelako telefonoek duten geolokalizazio sistemaz baliatuko dira horretarako larrialdi zerbitzuetako langileak. Hau da, erabiltzaileak SOS Deiaken aplikazioa aktibatu beharko du, eta horri esker bere azken mugimenduen berri izango du SOS Deiakek.
Besteak beste, mendian "track" izena hartzen duen ibilbidea ezagutuko dute erreskate taldeetakoek, aplikazio horren bidez.
Erkorekak azpimarratu du erabiltzaileak boluntarioki aktibatu beharko duela aplikazioa, eta 24 ordura desaktibatuko dela automatikoki. Aktibatuta dagoen bitartean, galdu diren pertsonek ez dute 112 deitu beharrik izango.
"Guztiz gomendagarria da bakarrik kirola egiten dutenentzat, mendizaleentzat, txirrindularientzat, itsaslabarrean arrantzan egoten diren arrantzaleentzat, baina baita adineko pertsonentzat ere", nabarmendu du Erkorekak.
Zure interesekoa izan daiteke
Errepideak moztuta, ibaiak gainezka, argi-mozketak... Andaluziak borrasken ondorioak pairatzen jarraitzen du
Bizilagun askok egunak daramatzate etxetik kanpora; oraindik 3.500 lagun daude kiroldegietan edo hoteletan. Etxera itzuli ahal izan direnek lokatza eta ura aurkitu dituzte nonahi.
Lezaman hilik aurkitutako gizonaren ustezko hiltzailea atxilotu dute Bilbon
Biktima 60 urteko Barakaldoko bizilaguna zen. Joan zen ostiralean aurkitu zuten hilik Lezamako Ganguren gainaren inguruan.
Epaiketan, bederatzi gaztek ziurtatu dute euren entrenatzaileak, Osasunako ikuskatzaile ohiak, sexu-mezuak bidaltzen zizkiela
Errioxako Auzitegiak auzipetuaren aurkako lehen saioa egin du astearte honetan, 16 urtetik beherakoei sexu-abusuak egitea egotzita.
Yala Nafarroak otsailaren 21ean kalera irteteko deia egin du Palestina ahaztu ez dadin
Manifestazioa 17:00etan egingo dute, Iruñean, Israelgo Estatuaren zigorgabetasuna salatzeko. Egun horretan Osasunaren eta Real Madrilen partidara joango diren zaleek ere manisfestaziora joateko aukera izango dutela azpimarratu du elkarteak.
Elisa Mouliaak aurrera jarraituko du Errejonen aurkako akusazioarekin, eta laguntza eskatu die beste biktimei
Aktorearen hitzetan "arbuiagarria da" Fiskaltzak diputatu ohiaren absoluzioa eskatu izana, Mouliaak auzitik irtetea erabaki ostean. Azaldu duenez, hamar hilabetez egon da Errejonek "jazarri, umiliatu eta inbaditu" zuela "frogatzen". Errejonen beste biktima batzuei auzian "gutxienez modu anonimoan" agertzeko eskatu die.
Arartekoak kritikatu du zezenketen legeak ez dituela adingabeengan sortzen dituen eraginak kontuan hartzen
Arauak sokamuturra, errekortariak edo entzierroak bezalako ospakizunei buruz dihardu, betiere 16 urtetik beherakoentzat badira eta tutoreen baimena behar badute.
?fmt=png-alpha&qlt=80)
Euskadiko biztanleen % 10,2 atzerritar nazionalitatekoak dira eta % 14 atzerrian jaioak
Zehazki, iazko urtarrilean 226.367 biztanlek zuten atzerritar nazionalitatea Euskadin, hau da, biztanleria osoaren % 10,2; 2024ko urtarrilean baino hiru hamarren gehiago, eta Espainiako Estatuko % 14,1eko batezbestekoaren azpitik.
35 urteko preso bat hil da Arabako espetxean
Espetxeetako egoera salatzeko, elkarretaratzea deitu du Salhaketa elkarteak datorren ostiralerako, 12:30ean, Gasteizko Andre Maria Zuriaren plazan.
Errejonek ez du ahozko epaiketaren hasieraren jakinarazpena jasoko, Mouliaak salaketa erretiratu ote duen argitu arte
Elisa Mouliaak agerraldia egingo du gaur, asteartea, eguerdian, "akusazio partikularrak jarraituko duen ala ez iragartzeko". Alfredo Arrien abokatuarekin batera agertuko da kazetarien aurrean, atzo bertan "zer erabaki hartu aztertzen" ari zela jakinarazi ostean.
Gizon bat ikertzen ari dira, Beran, semearen eskola-autobuseko gidariari eraso egiteagatik
Antza denez, adingabea lo geratu zen autobusean, eta ez zen ohiko geltokian jaitsi. Ondoren, ibilgailua aparkatuta zegoen lekuan aurkitu zuten.