SARS-CoV-2aren aurkako antigorputzak atzeman dira gaixotu eta hiru hilabete geroago
Ikerketa batek SARS-CoV-2aren aurkako antigorputzak atzeman ditu infekzioa hartu eta hiru hilabetera. Bartzelonako Osasun Globaleko Institutuak (ISGlobal) eta Bartzelonako Clinic ospitaleak egindako azterketaren helburua birusaren aurkako antigorputz ezberdinen iraupenari buruzko informazioa ematea izan da, bai eta berriro infektatzeko dauden aukerei buruzkoa ere.
ISGlobalek adierazi duenez, pandemia hasi zenetik gehien errepikatu diren galderak bi izan dira: zenbat jende kutsatu den eta kutsatutako pertsonek etorkizunean berriro infektatzeko arriskurik duten. Galdera horiei erantzuteko, Carlota Dobaño eta Alberto Garcia-Basteiro ikertzaileek SEROCOVI proiektua hasi zuten apirilean, Cliniceko 550 osasun-langileren eboluzioa jarraitzeko.
Emaitzen arabera, SARS-CoV-2 koronabirusaren kontrako IgA eta IgM motako antigorputzak berehala desagertzen dira, eta IgG motakoek, berriz, gutxienez hiru hilabete irauten dute infektatu ostean.
Infektatutako 66 osasun-langileri hiru hilabeteko jarraipena egin ondoren ikerketak erakutsi duenez, hirugarren hilabetean gehienek (% 78) ez dute IgM antigorputzen maila detektagarririk eta batzuek (% 24,5) ez dute IgA detektagarririk. Alabaina, gehienek (% 97) IgG antigorputzen maila detektagarriei eusten diete eta parte-hartzaile batzuen artean gora ere egin du, lehen hilabeteko datuekin alderatuta.
Gemma Moncunill ISGlobaleko ikertzaile eta ikerketaren lehen egilearen esanetan, emaitzek erakutsi dutenaren arabera, IgM eta IgA antigorputzak berehala erortzen dira infekzioaren osteko lehen bi hilabeteetan, eta hori "kontuan hartu behar da seroprebalentzia azterketak egiterakoan edo emaitza serologikoak interpretatzerakoan".
IgG antigorputzei dagokienez, ikertzaileak azaldu duenez, zenbat denboran detektatu ahalko diren ez badakite ere, emaitzen arabera, "gutxienez hiru hilabete ematen dituzte maila nahiko egonkorrean".
Hainbat antigorputzen konbinazioak baliatuz, SARS-CoV-2 koronabirusaren aurkako hiru antigorputz horiek aldi berean neurtzeko saiakuntza baten emaitzak ere argitaratu ditu taldeak. Horri esker, herritarren artean antigorputz mota gehiago eta maila txikiagoan atzeman daitezke.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.