Bilboko tranbia Atxuritik Boluetara zabaltzeko lanak hasi dira
Bilboko tranbia zabaltzeko lanak astelehen honetan hasi dira, eta zortzi hilabete eta erdi iraungo dute. Trazatua 2,3 kilometro luzatuko da, Atxuritik Boluetaraino, eta bi geltokiak sartzeko egokitzea eta trenbideetan, katenarian eta sarbideetan egokitzapenak egingo dituzte.
Gainera, beste geltoki bat jarriko dute, Abusukoa, izen bereko ikastolaren ondoan, Abusu eta Bolueta artean.
Atxuriko geltokia Manuel Maria Smithen eraikinean kokatuko da, eta Eusko Trenbideak erakundearen bulego nagusiak hartzen jarraituko du. Garajeek eta tranbiaren tailerrek ere egungo kokalekua mantenduko dute.
Boluetako geltokiari dagokionez, nasen altuera tranbia-material mugikorrera egokitzeko balioko dute lanek, baita nasa-ertzek tranbiekiko duten kokapena egokitzeko ere. Geltokia irisgarritasun-araudira egokituko da.
Azpiegitura berria martxan jartzen denean, Bilboko tranbiak zortzi kilometroko sarea eta 17 geltoki izango ditu, Casilla eta Bolueta artean, eta, Iñaki Arriola Garraio sailburuak aurreratu duenez, COVID-19aren pandemiaren aurretik tranbiak hartzen zituen hiru milioi erabiltzaileak gaindituko ditu.
Eusko Jaurlaritzaren eta Bilboko Udalaren arteko lankidetzaren ondorioz hasi diren lanei kopuruak jarri dizkie Arriolak: aurrekontua 5,2 milioi eurokoa da, eta bi erakundeek % 65 eta % 35 finantzatuko dute, hurrenez hurren.
Zati berriaren aurkezpena. Argazkia: Eusko Jaurlaritza.
Bilboko garraio publikoa handitzea "aurrerapauso bat dela" esan du sailburuak, "alternatiba eraginkor eta ekologiko batekin".
"Tranbia batek, aldi berean, hiru autobus edo 130 auto partikular adina bidaiari eraman ditzake; autoek baino hamabost aldiz energia gutxiago kontsumitzen du eta CO2 isurketarik ez du", gogorarazi du.
Amaia Arregi jarduneko alkateak, bere aldetik, tarte berriaren garrantzia azpimarratu du, "Bilboko konektibitatea hobetzeagatik"; izan ere, Boluetako eta Abusuko bizilagunei mesede egingo die, eta lotura hori "garraio publikoaren sistema jasangarri" baten bidez egingo da.
Zure interesekoa izan daiteke
Biriatuko ordainlekua itxita egongo da asteartetik asteazkenerako gauean, A-63 errepideko obrak direla eta
Abenduaren 9an itxiko dute, 21:00etan, eta 10ean irekiko dute berriro, 06:00etan. AP-8tik Lapurdirako noranzkoan doazen ibilgailu eta kamioiak Irunen atera beharko dira.
Gizon bat larri zauritu da Iruñeko Aranzadiko komentu abandonatuan, eskailerako zulotik erorita
Iruñeko Udaltzaingoak ingurua hesitu du eta erorikoaren arrazoiak ikertzen ari da.
Ireki dute A-15 errepidea Iruñerako noranzkoan, kamioi baten matxuragatik itxita egon ostean
Villabonan kamioi batek matxura izan du, eta errepidea erabat itxi behar izan dute, kamioia erretiratu arte. Zirkulazioa N-I errepidetik bideratu dute.
Donostiako Ospitaleko sukaldean sartu gara: honela prestatzen dituzte otorduak
120 pertsona aritzen dira gosariak, bazkariak eta afariak eltze erraldoietan prestatzen, eta plater bakoitza pazientearen beharretara egokitzen dute. Sukalde bereizi bat dute alergiak eta intolerantziak dituzten gaixoentzat. Logeletatik bueltan datozen erretiluak hustu eta gero, dena garbitzen dute hurrengo otordurako.
Ehun ibilgailu baino gehiago identifikatu dituzte Buesa Arena ondoan hainbat pertsonak egindako hitzordu masibo batean
Guztira 23 ibilgailu salatu eta 124 pertsona identifikatu dituzte.
Surflari bat hil da Donibane Lohizuneko uretan
Ezbeharra atzo gertatu zen, lau metrotik gorako olatuak zeudenean. Beste surflari batzuk hari laguntzen saiatu ziren, baina itota hil zen.
Gizon bat atxilotu dute Sevillan, emaztea hiltzea egotzita
Hilotzak arma zuriz egindako indarkeria zantzuak zituen.
Talde kriminal bat desegin du Ertzaintzak, Oiartzungo eta Leaburuko etxebizitzetan lapurtzeagatik
Atxilotuak, 20, 23 eta 24 urtekoak, ertzain-etxean daude, epailearen esku uzteko zain.
Gizon bat atxilotu dute Gasteizen, giza hilketa saiakera egotzita, gizon bati puntzoi batekin eraso egin ondoren
Manuel Iradier kalean jazo da erasoa, inguruko taberna batean liskarra izan ostean. Zauritua, 33 urtekoa, Txagorritxuko Ospitalera eraman dute.
78 urteko gizon bat hil da Kasedan, traktore bat iraulita larri zauritu ostean
Ostiralean eraman zuten Nafarroako Unibertsitate Ospitalera, helikopteroz, larri, eta bertan ingresatu zuten, politraumatismo ugari zituela. Biharamunean hil da.