Orduko 127 kilometroko haize-boladak Karrantzan, eta 8 metroko olatuak Donostian
Denboraleak orduko 127 kilometroko haize-boladak eragin ditu Karrantzan, astearte honetan. Bestalde, Donostian 8,3 metroko olatuak izan dira.
Segurtasun Sailak emandako datuen arabera, haizeak gogor jotzen duen tokietan orduko 100 kilometroko abiadura gainditu dute haizeteek: Karrantzan 127 km/h eta Higerren eta Santa Klaran 103 km/h. Gainera, Arteagan orduko 81 kilometroko haize-kolpeak neurtu dituzte eta Mungian orduko 75 kilometrokoak.
Euskal kostaldeari dagokionez, Donostian izan dira olaturik handienak; 8,3 metrorainokoak, 03:00etan.
Aurreikusitakoaren arabera, itsasoaren egoerak hobera egingo du datozen orduetan, eta asko jota 5 metroko olatuak egongo omen dira.
Halere, elurra dela eta, abisu horia egun osoan egongo da indarrean EAEn, 700-900 metroan botako baitu elurra. Gauean, berriz, 600 metroraino jaitsi liteke elur-kota.
Bestalde, prezipitazioengatik ere ezarri dute abisu horia gaurko. 24 ordutan metro karratuko 60 litro pilatuko dira Kantauri isurialdean.
Elurra asteazkenerako
Elurragatik ezarritako abisu horia asteazkenean ere egongo da indarrean, 12:00ak arte. Gaur bezala, 600-800 metro artean kokatuko da elur-kota goizaldean eta eguneko lehenengo orduetan. Dena den, egunak aurrera egin ahala 1.000 metrotik gorako altueran botako du elurra, eta egunaren amaieran 1.500 metrotan.
Batez ere, Kantauri isurialdean egingo du euria, bai goizaldean bai gauean.
Ostegunerako olatu handiak iragarri dituzte berriro euskal kostaldean. Hori dela eta, 09:00etatik 15:00etara abisu horia ezarriko dute. 3,5 eta 4 metro arteko olatuak espero dira.
Zure interesekoa izan daiteke
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.