"Derioko jaikoei desobedientzia egoztea izango da gakoa", abokatu baten ustez
Abenduko zubian Derioko (Bizkaia) komentu bateko ostatuan egindako legez kanpoko festan parte hartu zuten 67 gazteek hainbat neurri urratu zituzten, baina larriena, agintaritzak esandakoa ez betetzea, edo desobeditzea da, Aitzol Asla abokatu eta Deustuko Unibertsitatean Zuzenbide Prozesaleko irakaslearen arabera.
Aslari elkarrizketa egin diote goizean ETB1eko "Egun On Euskadi" saioan. Adituak azaldu duenez, "alarma egoera ezarri zuen dekretuak ez ditu berez isunak ezartzen, eta beste lege batzuetara jotzen du horretarako, batez ere Herritarren Segurtasuna Babesteko 2015eko legea aipatzen du. Lege horren 36. artikuluan esaten da agintaritzari desobeditzeak isun larria dakarrela. Nik uste izango dela gakoa".
Aslaren hitzetan, "Ertzaintza atestatua egiten ari da, eta ziur nago horretan jarriko duela indarra". Adituak azaldu duenez, irudietan argi geratzen da gazteek bazutela ostatutik ateratzeko agindua, baina ez zutela bete. Are, euren burua grabatzea "froga gisa" erabiliko dutela uste du.
Josu Zubiaga Eusko Jaurlaritzako Segurtasun sailburuordeak aurreikusi duen bezala, desobedientziaz gain, abokatuak zehaztu du honako neurriak urratu zituztela gazteek: musukorik eta distantziarik gabe egotea, sei pertsona baino gehiago biltzea, udalerritik kanpo egotea eta etxeratze agindua urratzea. Azken hori frogatzea izan da denetan "zailena", horren ustez, izan ere, ez zeuden etxean, baina ezta kalean ere. "Askok itxaron dute goiza izan arte isun hori saihesteko, baina zalantzagarria da", erantsi du.
Arau-hausteok dirutan zenbat ekar lezaketen galdetuta, Aslak esan du orain arteko epaiek urraketa bakoitzeko 600 bat euro ezarri dituztela, betiere zerbait larriagoa egon ez bada. "Kasu honetan ikusi behar da kasu honetan zerbait larriagoa leporatzen ote dieten", argitu du.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.