Derioko komentu batean jai bat ospatzen ari ziren dozenaka gazte identifikatu dituzte
67 gaztek festa bat ospatu dute gau osoan Derioko (Bizkaia) komentu baten ostatu batean. Ertzaintza goizeko lehen orduan hasi da parte-hartzaileak identifikatzen, , eraikinetik atera ahala, eta 13:30ak aldera bukatutzat eman du operatiboa, Segurtasun Sailak adierazi duenez.
Ertzaintzak bart jaso du abisua, 22:00ak aldera, San Joseko ostatuan (Derioko Klaristen monasterioak duen ostatuan) festa bat ospatzen ari zirelako hainbat lagun.
Bertaratutakoan, agenteek ikusi zuten 30 bat ibilgailu aparkatuta zeudela eraikinaren kanpoaldean, eta musika altu jarrita zegoela baieztatu zuten, baina ezin izan zuten eraikinean sartu, jabego pribatua delako.
Hortaz, 07:00etan dozenaka gazte hasi dira ostatutik irteten eta, atera ahala, Ertzaintzak identifikatu ditu, eta arauak urratzearren proposatutako isunak jakinarazi dizkie, alegia, baimendutako pertsona kopurua gainditzeagatik eta etxeratze-agindua urratzeagatik. Gainera, udalerri bizkaitarraren inguruko errepideetan kontrolak egin dituzte, parte hartzaile guztiak identifikatzeko.
13:30 pasatxo zirenean, agenteek bukatutzat eman ditu identifikazioak, eta operazioa desegin dute, 67 salaketa jarrita.
Udalak "zentzugabekeria" deitoratu du
Derioko Udalak bere "haserrea" adierazi du gazteen "erantzukizun faltagatik" eta "zentzugabekeriagatik", baina Bizkaiko "udalerritik kanpoko pertsonak" direla esan du. Halaber, "jokabide hori gazteria osoarekin ez lotzeko" eskatu du.
"Horrelako ekintzek agerian uzten dute gizarte elkartasunik eta enpatiarik eza dagoela krisi pandemiko betean", salatu du.
Esther Apraiz alkateak esan du udalerria "haserre" dagoela gertakariagatik, eta "erantzukizun indibiduala eta kolektiboa eta osasun arauak betetzea" eskatu du. Era berean, deitoratu egin du Derio "gertaera gaitzesgarri horiengatik albiste izatea, parte-hartzaileak udalerritik kanpoko pertsonak direlako".
Zure interesekoa izan daiteke
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.