Ziurtagiri bat eskatuko dute Gabonetan Nafarroara sartzeko edo handik irteteko
Gabon festetan Nafarroatik irteteko edo hara sartzeko asmoa dutenek ziurtagiri batekin frogatu beharko dute joan-etorria, familiakoekin edo gertukoekin egoteko mugitu direla azaltzen duen agiria aldean eramanda. Horixe da, hain zuzen, Carlos Artundo Nafarroako Osasun zuzendari nagusiak ostiral honetan emandako prentsaurrekoan aurreratu duena. Bart iragarri dute abenduaren 23tik 26ra eta 30etik urtarrilaren 2ra soilik baimenduko dituztela sarrerak eta irteerak erkidegoan, Gabonak direla eta.
Artundok adierazi duenez, asmoa da ziurtagiria erkidego mugakideekin adostea. Herritarrek Gobernuaren webguneetan izango dute eskuragarri, Marian Nuin Osasun Publikoaren Institutuko zuzendari gerentearekin batera egindako agerraldian zehaztu duenaren arabera. "Gomendioak eta arauak errespetatu behar ditugu; kontrolak egongo dira errepideetan", esan du.
Osasun zuzendari nagusiak gogorarazi du Nafarroako erkidegoa itxita egongo dela, baina Gabon jaietan salbuespenak izango direla. Halere, hara sartzeko edo handik ateratzeko arrazoi bakarra eman du: Gabonetako bazkari edo afarietarako mugitzea. Ildo horretan, argi utzi du horri dagokionez ere arauak egongo direla: besteak beste, ezingo dira etxe berean bizi ez diren bi familia baino gehiago elkartu, gehienez 10 laguneko bilerak izan beharko dira eta 01:30 baino beranduago ezingo da kalean ibili.
Bestalde, bertan behera utzi dituzte jende asko batu ohi dituzten ekitaldiak. Dena den, herri batzuetan Erregeen kabalgata egingo dute, baina publikorik gabe. Hortaz, jendeak etxeko leihotik ikusi beharko ditu desfileak aurten. Errege Egunarekin lotuta, Artundok azpimarratu du ez dituztela, gainerako jai egunetan bezala, joan-etorriak baimenduko.
"Gabon ezberdinak izango dira, intimoagoak, gertukoagoak, luxurik gabekoak, autentikoagoak, datorren urtekoak ohi bezalakoak izan daitezen. Bien bitartean, ordea, zuhurtziaz jokatu behar dugu", erantsi du.
Neurri gehiago ere "malgutu" ditu Nafarroako Gobernuak. Umeentzako parkeetan edukiera % 50etik 75era handitu dute, eta akademia eta hoteletan % 40tik 50era.
Zinema aretoek, antzokiek, museoek eta erakusketa aretoek ere % 40tik % 50era handitu dute edukiera. Gehienez ere 200 pertsona batu ahalko dira barruko ekitaldietan, et 400 kanpokoetan.
Ostalaritza
Artundoren "ametsa" litzateke urte bukaerarako Nafarroan arriskua nabarmen jaistea, eta taberna eta jatetxeetan edukiera % 30etik % 50era handitzea. "Horrek hobeto gaudela esan nahiko luke, eta sektoreak lasaiago lan egin ahal izango luke", azaldu du.
Datuak
Marian Nuinek Nafarroan azken 24 orduetan jasotako datuen berri eman du. Guztira, 1.909 PCR eta antino proba egin eta 105 kasu berri atzeman dituzte, Positibotasun tasa, beraz, % 5,5ean kokatu da ostiral honetan.
Ospitaletan, berriz, 161 pertsona daude, covid-19ak jota; atzo baino 8 gehiago. ZIUn, 21 ospitaleratu daude, ostegunean baino 3 gutxiago.
Zure interesekoa izan daiteke
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.