EAEko herritarren % 40k nahiago dute itxaron covid-19aren aurkako txertoa jartzeko
Covid-19aren aurkako txertoaren inguruan eszeptizismo handia da nagusi Euskal Autonomia Erkidegoko (EAE) herritarren artean. Izan ere, EAEko herritarren % 40k nahiago dute pixka bat itxaron txertoa jartzeko eta % 10ek, ostera, ez dute txertoa hartzeko inolako asmorik, Deustobarometroaren azken inkestaren arabera.
Deustuko Unibertsitateak ostiral honetan aurkeztu ditu azken Deustobarometroaren emaitzak eta, horren arabera, herritarren % 64rentzat koronabirusak kezka nagusi izaten jarraitzen du. Duela sei hilabete egindako aurreko inkestarekin alderatuta, bi puntu igo da.
Guztira, 1.003 elkarrizketa egin zituzten EAEn, azaroaren 17a eta 25a bitartean.
Herritarrei koronabirusaren aurkako txertoa jarriko ote luketen galdetuta, % 40,5k pixka bat itxarongo dute txertoa jartzeko, % 10ek ez dute txertoa jartzeko asmorik, % 21,6k "zenbait erreparorekin" baina hartuko dute eta % 19k "zalantzarik gabe" hartu egingo dute.
Pandemiarekin loturiko sinismenen inguruan galdetuta, % 57k uste dute laborategi batean sortua izan dela eta % 31,6k, berriz, "konspirazio" bat ikusten dute txertoen atzean.
Deustobarometroaren arabera, covid-19ak herritarren kezka nagusia izaten jarraitzen du (% 74). Kezkatuta ez ezik, herritarren % 46 triste daude eta % 45, amorratuta.
Koronabirusari aurre egiteko arauak betetzen ari ote diren galdetuta, herritarrek pertsona eredugarritzat ikusten dute beren burua, eta 8,5eko nota ematen diote beren buruari. Hala ere, ez dute iritzi bera besteekiko eta, oro har, neurrien betetze-maila 5,7koa dela iritzi diote.
Pandemiaren kudeaketari buruz galdetuta, ez Espainiako Gobernua eta ezta Eusko Jaurlaritza ere ez dira 5era iristen.
Inkestatuen erdiek uste dute Eusko Jaurlaritza ez dela argia izan neurri eta gomendioak komunikatzeko orduan. Espainiako Gobernuaren inguruan galdetuta, portzentaje horrek gora egiten du.
Lehentasunezko irizpideen inguruan galdetuta, % 46k uste dute "garrantzi handiagoa" eman behar zaiela "osasun irizpideei irizpide ekonomikoei baino", eta % 36k uste dute "garrantzi bera" eman behar zaiela biei.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.