Nafarroan ez dute Gabon egunerako eta Eguberri egunerako neurririk aldatuko
Javier Remirez presidenteordeak astearte honetan baieztatu duenez, Nafarroako Gobernuak ez du aurreikusi Gabon egunerako eta Eguberri egunerako koronabirusari aurre egiteko ezarritako neurriak aldatzea; gainerako jaiegunetan, berriz, pandemiaren eguneroko datuen emaitzen araberakoa izango da.
Behin behineko datuen arabera, atzo 79 positibo berri izan ziren Nafarroan, egindako 1.665 PCR eta antigeno proben % 5, alegia. Remirezen hitzetan "egonkortze" bat dago positibotasunean. Nolanahi ere, "zuhurtziaz" jokatzeko eta osasun agintariek ezartzen dituzten neurriak betetzeko deia egin du.
Txertaketa
Remirezek, gainera, covid-19aren aurkako txertaketaren hasierari buruz esan du datorren abenduaren 27an hasiko dela Nafarroan txertaketa osasun zentroetako eta zentro soziosanitarioetako adineko pertsonen eta langileen artean, eta Nafarroak dagoeneko 26.000 dosi dituela esleituta.
Hemendik aurrera, Estatutik autonomia erkidegoetara "asteroko hornidura bermatuta" dagoela zehaztu du, eta gero erkidego bakoitzetik banaketa-zentro jakin batera, espazio soziosanitarioetara, lehenik, eta Lehen Mailako Arretara, ondoren.
"Gabon ezberdinak"
Txertaketa-ziurtagiririk edo txertoa hartzeari uko egiten dioten herritarren erregistrorik egongo den zehaztu gabe, presidenteordeak berretsi du, dena dela, "Gabon desberdin eta bereziak" izango direla aurtengoak, eta polizia-kidegoak herritarren segurtasunaren arloko lanak pandemiaren aurkako prebentzio-neurrien kontrolarekin bateratuko dituztela.
Horretarako, trenez eta errepidez egiten diren joan-etorriak zainduko dituzte, bai ibilgailu partikularrenak bai autobusenak, eta hori aurrera ateratzeko "agindu argia" dutela ziurtatu du, eta Gobernuaren gomendioa familiarekin eta hurbilekoekin egiten diren bilerak ahalik eta gehien murriztea dela gaineratu du, ahal dela, bizikidetza-unitatera mugatzeko.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.