Bosgarren sarietako batek zazpi milioi euro banatu ditu Berrizen
Berrizko loteria administrazioak Eguberrietako loteriaren bosgarren sarietako baten 120 serie saldu ditu. Hartara, 55.483 zenbakiak 7,2 milioi euro banatu ditu Bizkaiko aipatu udalerrian. Izan ere, serie bakoitzeko 60.000 euro banatu ditu bosgarren sarietako bakoitzak. Guztira, 2.408 milioi euro banatu dituzte gaur saritan, iaz baino 28 milioi euro gehiago, eta sari nagusiaren irabazleek 400.000 euro jasoko dituzte dezimoko.
Bilbok eta Durangok ere sari horren zati bat jaso dute. Berrizko administrazio horretako Aitor Virumbralesek "oso pozik" eta "urduri" azaldu duenez, Bilboko bi tabernak eta Durangoko Zabalarra ikastetxe publikoak hainbat txartel erosi zituzten.
Gainera, Aitorrek berak saldu zituen Berrizen saritutako txartelak. 2001ean, sari potoloa banatu zuen eta 2005ean beste bosgarren sari bat.
Berriz, ordea, ez da gaurko zozketako "garaile" bakarra, Gabonetako loteriaren bigarren sariaren (6.095) zati bat Barakaldon saldu baitute, eta sari potoloak 4 milioi euro utzi baititu Bilboko Zurbaranbarri auzoan.
Azkenik, laugarren sarietako batek, 38.341 zenbakiak, 200.000 euro utzi ditu Cascanten.
43.831 saria Bilbon, Donostian, Gasteizen, Getxon eta Azpeitian
43.831 sariak, bosgarren sarietatik zazpigarrenak, ere utzi du zer edo zer Euskal Herrian. Bilbo, Donostia, Gasteiz, Getxo eta Azpeitia izan dira oraingo honetan zorioneko udalerriak. 13:14an atera dute ontzitik zortzigarren taulan azaldu den zenbaki hori.
86.986, lehen bosgarren saria, Euskal Herrian egokitu da
86.986 zenbakia izan da astearte honetan banatu duten lehen bosgarren saria. Nafarroan hiru dezimo saldu dituzte; guztiak Iruñean (Ziudadela eta Tutera kaleetan eta Foruen plazan).
Bestalde, Irunen (hiru dezimo), Bilbon (dezimo bat), Erandion (dezimo bat) eta Getxon (dezimo bat) ere saldu dituzte zenbait dezimo.
37.023 zenbakia Barakaldora heldu da
37.023 zenbakiak lortu du Gabonetako loteriak banatzen dituen zortzi bosgarren sarietako bigarrena, eta Barakaldon (Bizkaia) serie oso bat saldu dute. 09:20an atera dute zenbaki hori loteria ontzitik.
19.371, bosgarren sarietako hirugarrena
Bosgarren sarietatik hirugarrena 19.371 zenbakiari egokitu zaio. 10:42ean eman dute sari horren berri, eta laugarren taulako zenbakietako bat izan da.
49.760, bosgarren sarietako laugarrena
Bosgarren sarietatik laugarrena 49.760 zenbakiari egokitu zaio. 10:44an eman dute sari horren berri, eta laugarren taulako zenbakietako bat izan da.
28.674, bosgarren sarietako seigarrena
Bosgarren sarietatik seigarrena 28.674 zenbakiari egokitu zaio. 11:48an eman dute sari horren berri, eta seigarren taulako zenbakietako bat izan da.
31.617, azken bosgarren saria
Bosgarren sarietatik seigarrena 28.674 zenbakiari egokitu zaio. 13:25ean eman dute sari horren berri, eta bederatzigarren taulako zenbakietako bat izan da.
Zure interesekoa izan daiteke
Luiziek zirkulazioa korapilatu dute N-634 eta NA-1300 errepideetan
Azken orduotako euriteek lur-jausiak eragin dituzte errepide sareko hainbat puntutan. Aipatu bi errepideak irekita daude dagoeneko, zirkulazioa txandaka bideratuta.
Gizon bat atxilotu dute Pedreñan bikotekidea hiltzea egotzita
Atxilotuak ez zuen horren salaketarik jarrita, baina aurrekariak zituen beste emakume batzuek salatutako indarkeria kasuengatik.
'Aita Mari' ontziak 32 pertsona erreskatatu ditu Mediterraneoan, bi egun noraezean zeramatzatela
Mediterraneo erdialdeko uretan topatu dute ontzia, migratzailez gainezka, "oso baldintza eskasetan". Bi egun zeramatzaten itsasoan noraezean. Erreskatatutako pertsonen artean bederatzi adingabe eta haurdun dagoen emakume bat daude.
21 urteko neska batek hankak apurtu ditu Tuteran, igogailu batean harrapatuta geratu baita
Istripua bart gertatu da, Albares kaleko eraikin bateko igogailuan. Dirudienez, emakume batek zeraman aulkitxo baten uhala igogailuaren atean trabatu da, eta hankak harrapatu dizkio. Suhiltzaileek askatu ostean, anbulantziaz eraman behar izan dute ospitalera.
Txurdinaga Behekoa Institutuko ikasle eta gurasoek Batxilergo Artistikoa ez kentzeko eskatu diote Hezkuntza Sailari
Begoña Pedrosak zuzentzen duen Hezkuntza Sailak adierazi du batxilergo hori ikasteko aukera bermatzen dela ikasleak Ibarrekolanda eta Bertendonako ikastetxeetan banatuta. Manifestarien esanetan, hezkuntza publikoaren aurkako beste eraso bat da, eta, hori dela eta, elkarrizketarako deia egin diote Eusko Jaurlaritzari.
Martxoaren 1ean Valtierran izandako zirkulazio-istripuan zauritutako 28 urteko neska hil egin da
Ezbeharra 01:19an gertatu zen, N-121 errepideko 72,28 kilometroan, Los Abetos jatetxearen bidegurutzean, bi gazte zihoazen autoa bidetik atera eta ezponda baten aurka talka egin zuenean. 20 urteko beste gazte bat ere zauritu zen ezbeharrean.
Santanderko istripua jazo aurretik 112ra deitu zuen gizona: "Behar bezala jardun izan balitz, ezbeharra saihestuko zen"
Zubiaren egoeraz ohartarazi zuen Santanderko bizilagunaren ustez, tragedia saihestuko zen deia jaso ostean jardun izan balitz. Instrukzioa egiten ari den epaileak zubiaren egoera aztertzeko eskatu dio peritu bati.
Ekialde Hurbileko gerraren aurka protesta egin dute Bilbon, eta Gaza ez ahazteko eskatu dute
PararLaGuerra.es herri plataformak protesta egin du gaur Bilbon, bakea eskatzeko, AEBk eta Israelek Iranen aurka hasitako erasoaldia indarrean denean. Halaber, babesa adierazi diote Palestinari.
Bidean da jada Sahararen aldeko elkartasun karabana
Oinarrizko produktuak daramatzan elkartasun karabana goizean abiatu da Donostiatik Saharara. 50 tona produktu eramango dituzte kamioiek. Saharako Errepublika Arabiar Demokratikoaren Lagunen Elkarteak eskerrak eman dizkie bilketan parte hartu duten guztiei.
Pedofilo bat atxilotu dute Gasteizen kautelazko neurriak urratzea egotzita, adingabeei argazkiak ateratzeagatik
Ostegunean atxilotu dute, ikastetxe, haurtzaindegi, haur-parke eta adingabeak biltzen diren beste edozein lekutara hurbiltzeko debekua urratu duela jakin eta gero.