'Bella' ekaitzak 131 km/h-ko haize-boladak eta 14 metrorainoko olatuak utzi ditu EAEn
Azken orduetan Euskadira iritsi den denboraleak 131 km/h-ko haize-boladak utzi ditu Karrantzan. Gainera, Donostiatik 12 miliatara 14 metroko olatu bat neurtu dute astelehen honetan. Hain zuzen ere, euskal kostaldean gaur izandako olaturik altuena izan da hori.
Testuinguru horretan, haize-boladak 108 km/h-koak izan dira gaur arratsaldean Jaizkibelen, 106,6 km/h-koak Galea puntan, 104,4 km/h-koak Cerrojan eta 101,3 km/h-koak Santa Klaran. Goizean, haizeak indar handiagoa izan du Urduñan, 121 km/h-ko abiadura hartu baitu. Haizeguneak ez diren lekuetan haize-boladak 86,8 km/h-koak izan dira Mungian.
Horrez gain, Donostiako buian 8,2 metroko olatu adierazgarria neurtu da. Leku horretan bertan, 9,1 metroko altuera izan duen olatu bat neurtu dute eguerdian. Alabaina, Donostiatik 12 miliatara neurtu dute gaurko olaturik handiena, 14 metrokoa.
Gainera, 28 urteko gazte bat zauritu da astelehen honetan Orioko (Gipuzkoa) kai-muturraren goialdetik erorita. Gertaera 11:30 aldera jazo da. Segurtasun Sailak azaldu duenez, gaztea beste pertsona batekin batera kai-muturraren goiko plataformatik korrika zihoala, olatu handi batek hormaren kontra jo du. Olatuak arrastaka eraman du, eta malekoiko beheko plataformara erori da, 4 metroko altueratik.
Ezbeharra izan duen gazte horren lagunek Ertzaintzari deitu diote, eta inguruan zegoen patruila batek konorterik gabe topatu du. Orduan, gune seguru batera eraman dute, eta handik Donostia Ospitalera eraman du anbulantzia batek.
Gainera, olatu handiak direla eta, alerta laranja ezarri dute kostaldean, eta pasealeku nagusiak eta malekoiak itxi dituzte. Hala, Donostian olatu handiak ikusi ahal izan dira:
Bittor Murguzur eitb.eus-eko erabiltzaileak drone batekin grabatu du 'Bella' ekaitzak Mutrikun utzi duen denborale bortitza:
'Bella' ekaitzaren ondorioz, gaur goizean, Herrerako mendatea itxi behar izan dute elurraren ondorioz, bigarren mailako errepide sarean. Sare nagusia berriz, zabalik egon da Euskal Autonomia Erkidego osoan.
Dena dela, Euskadiko mendate guztiak zabalik daude jada, baina azken orduetan bota duen elurraren ondorioz, ibilgailu guztiek kateak behar dituzte Herrerako mendatean (Araba), Eusko Jaurlaritzako Segurtasun Sailak jakitera eman duenez.
Ildo horretatik, agintariek arretaz gidatzeko gomendioa eman dute honako mendateetan: Aiurdin, Altube (AP-68), Azazeta, Barazar, Barrerilla, Bernedo, Larreineta, Opakua, Urduña, Urkiola eta Zaldiaran.
Astearte honetarako aurreikuspena
Eusko Jaurlaritzako Segurtasun Sailak ohartarazi duenez, astearte honetan 7 metroko olatuak espero dira kostaldean, eta elur-maila 600 metrotara jaitsiko da barnealdean.
Hori dela eta, alerta laranja ezarriko dute egun osoan nabigazioan, itsasaldeko arriskuagatik, nabigaziorako lehen bi milietan; izan ere, 6-7 metroko altuera izango dute olatuek, baina pixkanaka jaitsiko dira, eta 5 metro inguruan kokatuko dira arratsalde-gau partean. Ipar-mendebaldeko hondoko itsasoa 5-6 metrokoa izango da, eta 4 metrora jaitsiko da egunaren bigarren partean. Mendebaldeko haizeak itsaso zakarra sortuko du.
Horrez gain, abisu horia ezarriko dute bihar, kasu honetan kostaldeko arriskuagatik. Testuinguru horretan, olatuak paseoetara eta malekoietara iritsiko dira, batez ere lehen itsasgoran.
Lehen itsasgora 03:57an izango da, eta 4,46 metroko olatak espero dira. Bigarren itsasgora 16:18an izango da, eta 4,29 metroko olatuak egongo dira. Halaber, 03:00etatik 05:00etara alerta laranja ezarriko dute itsasaldeko arriskuagatik.
Bestalde, egun osoan abisu horia egongo da indarrean elurragatik barnealdean. Elur-kota 700-800 metrotan kokatuko da, eta 600 metrotara jaitsiko da goizaldean eta gauean. Euri asko egingo du, batez ere Kantauri isurialdean. Gainera, litekeena da txingor-ekaitzak ere izatea, bereziki Kantauri isurialdean.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.