Arantzazu, Elosua eta Pagatzako mendateak itxita elurragatik
Gipuzkoako Arantzazu, Elosua eta Pagatza mendateak, guztiak bigarren mailako sarekoak, erabat itxita daude ibilgailuantzat, elurra edo izotza dela eta.
Gainera, lurralde historiko berean, autoentzako kateak erabili behar dira Artikutzan, eta debekatuta dago kamioiek eta ibilgailu artikulatuek zirkulatzea, Eusko Jaurlaritzako Segurtasun Sailak 17:00ak aldera zabaldutako informazioaren arabera.
Nafarroan, ezin da zirkulatu NA-137 errepideko mendatetik Izaba parean, 59. kilometroan, ezta NA-7510 mendatetik Lekunberri parean, 4. km-tik 16. km-ra.
Dena dela, gainerako errepideetan ere arretaz gidatzea gomendatzen dute.
Elur denboraleaz galdetuta, Sonia Diaz de Corcuera Eusko Jaurlaritzako Trafikoko zuzendariak Radio Euskadiri eskainitako elkarrizketan adierazi duenez, "erabateko koordinazioarekin" ari dira lanean Trafiko zuzendaritza, hiru foru aldundiak, errepideetako zentroak, autobideak, eta gainerako erakundeak.
Luiziak, eroritako zuhaitzak eta bestelakoak
Eusko Jaurlaritzako Segurtasun Sailak, bere aldetik, beste hainbat gorabeheraren berri eman du, guztiak ere Gipuzkoan. Ataunen, Elgetan, Ibarran eta Aian zuhaitzak erori dira errepidera eta bidea oztopatzen ari dira. N-634 errepidean luizia gertatu da Deban. Langileak bidea garbitzen ari dira eta bien bitartean txandaka ari dira bidea ematen.
Arabako Foru Aldundiak Neguko Bidezaintza Plana aktibatuta mantentzen du
Lurraldeko errepideen egoera ona bermatzeko, Arabako Foru Aldundiak Neguko Bidezaintza Plana aktibatuta mantentzea erabaki du.
45 langile, 14 talde material eta hiru minoi patruila prest daude, Foru Aldundiak ohar batean jakinarazi duenez.
Zure interesekoa izan daiteke
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.