Txertaketa irregularra salatu dute Orozkoko desgaituentzako zentro batean
ESK sindikatuak salatu du Orozkoko Jesus Maria desgaituentzako zentroan irregulartasunak egon direla txertaketa prozesuan. Izan ere, ezarritako protokoloari muzin eginez, "Grupo Norte-Fundación Aliados por la Integración" erakundeko, hots, Orozkoko Jesus Maria desgaituentzako zentroa kudeatzen duen enpresako arduradun batek txertoa jaso zuen egoitzan zuzeneko arreta ematen duten pertsonekin batera.
Sindikatuak azpimarratu duenez, zentroa "erantzukizun publikoko zerbitzua" da, eta Bizkaiko Foru Aldundiaren eskumena da; hori dela eta, Sergio Murillo Gizarte Ekintzako diputatuari "erantzukizunak" eskatu dizkio.
Sindikatuak ohar baten bidez jakinarazi duenez, urtarrilaren 18an, zentroan bertan lanik egiten ez duen "Grupo Norte-Fundación Aliados por la Integración" erakundeko giza baliabideen arloko arduradunetako bat instalazioetara hurbildu zen, "covid-19aren aurkako txertoa jasotzera; eta azkenean hori egin zuen".
Sindikatuaren arabera, pertsona horrek "ez du bertan lan egiten, eta, beraz, ez du zuzeneko inolako harremanik erabiltzaileekin". Gainera, "bertan lan egiten duten langile guztiek ez dute oraindik txertorik jaso".
ESK-k azpimarratu duenez, Jesus Maria desgaituentzako arretarako zentroa "erantzukizun publikoko zerbitzua da, eta, Euskadiko Gizarte Zerbitzuen Legearen arabera, Bizkaiko Foru Aldundiaren eskumena da".
"Zerbitzu hau "Madres Mercedarias de Ibarra" kongregazio erlijiosoarekin egindako lankidetza-hitzarmen baten bidez ematen da, eta kongregazio horrek zentroaren kudeaketa guztia "Grupo Norte-Fundación Aliados por la Integración" enpresa taldeari azpikontratatu dio", azaldu du.
Hori dela eta, "txertaketa-protokoloen urratzea" zentro horren kudeaketa tamalgarriaren beste adibide bat besterik ez dela uste du sindikatuak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.