Gizonezko bat atxilotu dute Tuteran autoritatearen aurkako atentatua egotzita
Tuterako (Nafarroa) Udaltzaingoak gizonezko bat atxilotu du bart, agintaritzaren aurkako atentatua egotzita, identifikatzera zihoan udaltzainetako bati ustez eraso egin ostean.
Igande iluntzeko 22:00etan, agenteei jakinarazi zieten emakume batek gizon bat salatu nahi zuela iraindu eta mehatxatzeagatik. Udaltzainak gertakariaren lekura bertaratu zirenean, eta gizonezkoa identifikatzeari ekin ziotenean, honek ezetz esan eta agenteetako bati eraso egin zion.
Udaltzaingoaren arabera, gertakarien ustezko egileak agenteetako bat lurrera bota zuen, eta harekin birinbolaka ibili zen lurretik. Azkenean, agenteek geldiarazi egin zuten beste patruila batek lagunduta.
Erasoaren ondorioz, agenteak hainbat zauri eta kontusio arin egin zituen, eta ustezko erasotzailea atxilotu egin zuten eta Foruzaingoarenera eraman.
Halaber, goizeko 01:00ean, gizonezko bat atxilotu dute genero indarkeria egotzita, Udaltzaingoak eta Polizia Nazionalak eginiko operazioan.
Bestalde, Udaltzaingoak 15 urteko adingabe bat salatu du bart, gidarien aurka laser-izpiak igortzen dituen gailu bat erabiltzea egotzita.
Udaltzaingoak jakitera eman duenez, laser-izpiak Tuterako Jesusen Bihotza monumentutik zetozen. Agenteak bertaratuta, banku batean eserita zeuden hiru adingabe ezustean harrapatu zituzten. Horietako batek egindakoa aitortu zuen eta agenteei eman zien gailua.
Udaltzaingoa adingabearen amarekin harremanetan jarri da, semea salatu egingo dutela jakinarazteko
Zure interesekoa izan daiteke
Blusa eta nesken kalejiraren ibilbidea moldatzea proposatu du Gasteizko Udalak, segurtasun arrazoiengatik
Andre Mari Zuriaren plazan hasi eta bukatuko den ibilbide zirkularra jarri du mahai gainean Udalak. Orain, kuadrillek hilabeteko epea dute proposamena aztertu eta ekarpenak egiteko.
Adituek ongi ikusten dute 16 urtetik beherakoei sare sozialak debekatzea
Psikologo eta pedagogoentzat erreferentziazko adin bat izatea onuragarria da, nahiz eta argi duten ez dela erraza izango debekua betetzea. Kalean, berriz, denetariko iritziak daude, baina askorentzat debekuak ez du arazoa konponduko.
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea 29 pertsona gehiagori jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela adierazi du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.