Verter Recycling: "Joaquin Beltranen gorpua berreskuratzea da lehentasuna"
Verter Recycling enpresak, Zaldibarko zabortegiaren kudeatzaileak, duela urtebete eraitsi eta bi langile lurperatuta geratu ziren, ostiral honetan, tragediaren lehen urteurrenaren bezperan, adierazi du lehentasuna Eusko Jaurlaritzako lantaldeekin duen "lankidetza" dela, "Joaquin Beltranen gorpua (oraindik aurkitu ez duten behargina) bilatu eta berreskuratzeko".
Ohar batean, enpresak "ahalegin guztiak" egiten jarraitzeko borondatea agertu du, eta ikerketa judizialaren xede den gai honen inguruan egiten diren ikerketa guztiak "beharrezko zorroztasunez" egiteko eskatu du, "ingurumenari buruzko araudiak ezartzen dituen prozeduretara egokituz".
Verter Recyclingek mina adierazi du giza galerengatik, eta "erabat" deitoratu ditu inguruari eragin ahal izan dizkioten ondorio kaltegarriak. Horrez gain, hasieratik "agintari eskudunekin lankidetza konpromisoa izan duela" esan du, lurperatutako langileak bilatzeko eta lurra egonkortzeko.
"Orduz geroztik, enpresak lanean jarraitzen du instalazioei eta zabortegiaren portaerari buruzko bere ezagutza emateko, eta, horretarako, istripua gertatu ondoren, aditu batzuk kontratatu zituen, ordutik aurrera egoera kudeatzeko sortutako batzordean lan egiten dutenak, agintarien teknikariekin batera", azaldu du.
Enpresak azaldu duenez, Verter Recyclingek Eusko Jaurlaritzarekin lan egin du zabortegiko hondakinen segurtasun guneak handitzeko, Joaquin Beltran bilatzen ari diren eremutik ateratzen den materiala jaso ahal izateko.
Gainera, lur-jausiaren arrazoiei buruzko hainbat txosten egiteko eta eragindako kaltea ebaluatzeko eskatu dio aditu talde bati. Adierazi duenez, "oso lan konplexua" da, azterketa sakona behar du, eta emaitzek gertatutakoa argitzen lagunduko dute.
Enpresak adierazi duenez, lanean emandako urte guztietan "unean-unean" eman dio informazioa Eusko Jaurlaritzako Ingurumen Sailari, araudiari jarraituz, eta gogorarazi du agintariek adierazi zutela biltegian zeuden hondakin guztiak baimenduta zeudela.
Halaber, azken urteetan Verter Recyclingek tokiko eta ingurumeneko agintariekin birziklatze eta balorizazio proiektuak garatzeko izapideak hasi zituela jakinarazi du, hondakinen kudeatzaileen jardueraren osagarri gisa.
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.