Tabernak zabaltzea baimendu zuen epaileak "Itxialdirik ez" esaldia du WhatsAppen
Euskal Autonomia Erkidego osoko ostalaritza berrirekitzeko baimena eman zuen asteartean Justizia Auzitegi Nagusiak, eta ordu batzuk geroago hainbat komunikabidek interneten bolo-bolo dabilen albistea argitaratu dute: Luis Garridok, tabernak eta jatetxeak zabaltzeko baimena eman zuen epaile berak, Whatsappeko profilean honako esaldi hau dauka: "No more lockdown" (Itxialdi gehiagorik ez).
Van Morrison musikariak udazkenean argitaratu zuen izen bereko kantuan oinarrituta omen dago mezua. "Itxialdi gehiagorik ez. Gobernuaren gehiegikeria gehiagorik ez. Polizia faxista gehiagorik ez. Gure bakea urratuz" esanez hasten da, hain zuzen ere, "No more lockdown" kantua.
Azkenaldian, Erresuma Batuko eta mundu osoko negazionisten aldarri bilakatu da "ereserkia" hori.
Garridok ez du soka luzea ekartzen ari den esaldi horri buruzko adierazpen publikorik egin, oraindik zabalik baitago auzia, baina ETBri emandako elkarrizketan ukatu egin du negazionista denik.
Birusaren existentzia eztabaidaezina dela esan du, covid-19ak jende asko hil duela eta ospitaleak gainezka daudela. Halere, argi utzi du ez dagoela taberna eta jatetxeen itxiera justifikatzen duen frogarik.
Whatsaperako hautatu duen leloak eragin duen polemikaren harira, Van Morrisonen jarraitzaile sutsua dela argitu du Garridok: "Musikari irlandarraren eskuak dira nire profileko argazkian saxofoia jotzen agertzen direnak". Abestiari dagokionez, adierazi du gustuko duela, nahiz eta esaldi batzuekin bat ez datorren ("Polizia faxista" esaldiarekin, adibidez).
Gauzak horrela, gaia bere onetik ateratzen ari direla uste du, eta ez zaio iruditzen bere errekusazioa eskatzeko arrazoi denik.
"Eric Claptonen 'Cocaine' abestia gustatzeagatik narkotrafikatzaileak ezin epaitzea bezala litzateke", nabarmendu du umoretsu.
Esan bezala, EAEko Justizia Auzitegi Nagusiko administrazioarekiko auzien salako presidente da Luis Garrido. Ostalaritzaren itxieraren aurka ez ezik, lagunarteko bilkurak gehienez sei pertsonakoak izatearen kontra ere agertu zen iazko urrian Garrido, Jaurlaritzaren aginduari entzungor eginez.
Albiste gehiago gizartea
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.