Adikzioak dituzten emakumeak estigma sozialen beldur dira tratamendua jasotzerakoan
Alkoholaren, drogen edo psikofarmakoen mendekotasuna duten emakumeek atzeratu egiten dute tratamendua jasotzeko erabakia "lotsagatik" eta "estigma sozialen beldur" direlako. Gainera, tratamendua jasotzeko erabakia hartzen dutenean, ezkutatu egiten dute, jendearen errefusa jaso dezaketela uste dutelako.
Horiek dira "Aurkitzen al dute emakumeek oztoporik adikzioak tratatzeko baliabideetan sartzeko eta mantentzeko? Egungo egoeraren azterketa" ikerketaren emaitzetako batzuk. Emakundek diruz lagundutako proiektuaren emaitza da ikerketa.
Nagore Orozek, Yolanda Cerverok eta Iosu Martinezek egindako ikerketa gaur aurkeztu dute, eta Izaskun Landaida Emakunderen zuzendariak azpimarratu du oso garrantzitsua izango dela "ezkutuko errealitate hori ikusarazteko" eta emakumeek tratamendua ahal bezain laster har dezaten.
Ikerketan agertzen denez, tratamenduetara jotzen ez duten "emakumeen % 100ak lotsagatik" egiten dute, eta horregatik ezkutatzen dute mendekotasuna dutela gertukoen aurrean.
Tratamendua jasotzeko prozesua atzeratzen duten beste elementu batzuen artean daude baliabideen berri ez izatea, "imajinario kolektiboan" emakumeek horrelako arazorik ez izatea eta "kontsumoaren normalizazioa".
Azkenean pausoa ematen duten emakumeak "hobeto sentitzen" dira, osasunean hobera egin dutela nabari dutelako eta abstinentziari eusteko gai direlako. Baina arazoak dituzte familian babesik ez dutelako, "inork laguntzarik ez" dielako ematen haurrak edo nagusiak zaintzeko, eta azkenean "beste pertsona batzuen zaintza lehenesten dute euren buruaren aurretik".
Gainera, tratamenduan "matxismo asko" aurkitzen omen dute, laguntza profesionala jasotzen dutenen % 85 gizonezkoak direlako. "Horrek ez du laguntzen", zeren "gizonen interesak nagusitzen dira" eta feminismoa atzean uzten da (amatasuna, sexualitatea, kulpa sentimendua eta elikadura nahasmendua), ikerketaren arabera.
Gainera, "tratu txar instituzionala" aipatu dute ikerlariek, baliabideen arteko koordinazio ezari erreferentzia eginez.
Gipuzkoako 127 emakume eta hiru lurraldeetako profesionalak elkarrizketatu ostean, ikerlariek hainbat proposamen egin dituzte, tartean prebentzioa lantzea gazteen artean, baliabideak iragartzea eta "genero ikuspegia" txertatzea.
Telefonoz erantzun "beroa" ematea, soilik emakumeek osatutako taldeak antolatzea, zaintza zerbitzua eskaintzea eta familien inplikazioa bilatzea dira beste proposamenetako batzuk.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.