Hasiera batean hitzemandako dosien % 50 bidaliko dio Modernak Espainiari otsailean
Hasiera batean hitzemandako dosi kopuruaren erdia bidaliko dio Modernak Espainiari otsailean zehar, baina konpainia horrek agindu du martxoan konpentsatuko duela hilabete honetan eragindako "desoreka", Osasun Ministerioko iturriek jakitera eman dutenez.
"Dagoeneko autonomia erkidegoak jakinaren gainean daude, aurrera begira antola daitezen", zehaztu dute aipatu iturriek. Edozein modutan, Osasun Ministerioak argi utzi du hitzemandako bidalketa guztiak apirila orduko egiteko konpromisoa hartu duela enpresak.
Hala, otsailean Modernaren 200.000 dosi jasoko ditu Espainiak, 412.000 jaso beharrean, Carolina Darias Osasun ministroak esan duenaren arabera. "Egoera, dena den, antzekoa da Europa osoan", gogora ekarri du ministroak.
Europako Batzordeak atzerapen horien berri jaso duen galdetuta, Bruselan emandako prentsaurrekoan EBko ordezkari batek argitu du bazutela horren berri, baina "martxoan bertan konpentsatuko duela Modernak otsaileko bidalketa".
Pfizer txertoaren 20,8 milioi dosi gehiago
Bestalde, Ministroen Kontseiluak astearte honetan adostu du Espainiak Pfizer/BioNTechen 20,8 milioi dosi gehiago jasotzea. Europar Batasunak botika-etxe horrekin hitzartutako akordioaren ondotik iritsi da erabakia, eta aurreikusitakoaren arabera, apirilean hasiko da Espainia dosi horiek jasotzen.
Horixe da, behintzat, Maria Jesus Montero Gobernuko bozeramaileak Ministroen Kontseiluaren ostean egindako agerraldian ziurtatu duena. Haren esanetan, azaroan 30 milioi dosiren bidalketa adostu zuten, eta, beraz, 50 milioi jasoko ditu guztira Espainiak. Txerto horiekin, 2021ean zehar, 25 milioi pertsona immunizatuko dituzte.
Zure interesekoa izan daiteke
2 kilometroko auto-ilarak Orioko zubian, istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.