Zaintzak ikustarazi eta banatu nahi ditu Emakundek M8ko kanpainarekin
"Nork zaintzen du? Jar dezagun agerian. Egin dezagun dagokiguna". Horixe da aurten Emakundek martxoaren 8rako, Emakumeen Nazioarteko Egunerako, prestatu duen kanpainaren leloa. Beatriz Artolazabal Berdintasun, Justizia eta Gizarte politiketako sailburuak eta Izaskun Landaida Emakundeko zuzendariak aurkeztu dute kanpaina.
Kanpainak zaintza-lanak ikusarazteko, baloratzeko eta gizarte osoaren artean banatzeko beharra azpimarratzen du: emakume eta gizonen artean eta baita erakunde eta gizarte osoaren artean ere.
Sailburuak azpimarratu duenez, covid-19aren pandemiak "inoiz baino nabarmenago utzi du zaintza-lanek bizitzari eusteko duten funtsezko garrantzia", eta "zaintzarekin konprometitzeko" beharra nabarmendu du, bai gizonezkoek, bai emakumezkoek, bai erakundeek eta, oro har, gizarteak.
Artolazabalek, halaber, Eusko Jaurlaritzak zaintza erantzunkidearekin duen konpromisoa nabarmendu du, eta neurri batzuk aipatu ditu adibide gisa: "Guraso-baimen berdinak eta besterenezinak, neurri aitzindaria Estatuan; kontziliaziorako eta zaintzarako profesionalak kontratatzeko laguntzak; zainketa instituzionalak indartzea (sozialak, sanitarioak eta hezkuntzakoak) bizi-ziklo osoan zehar, zaintzaileei laguntzea barne; kontziliazio-planak eta berdintasun-planak enpresetan egitea bultzatzea; soldata-arrakalaren aurkako euskal estrategia; edo, bereziki, Berdintasun Legearen aldatzea".
Emakundeko zuzendariak, bere aldetik, zaintzarekin lotutako hiru alderdi azpimarratu ditu: bere garrantzia, "funtsezkoa baita gure biziraupenerako eta gizartearen funtzionamendurako" pandemian inoiz baino nabarmenago geratu den bezala; haren ikusezintasuna, kanpainako planteamendu grafikoan indartutako ideia bat, pertsonak agertu gabe zaintzarekin lotutako elementuak erakutsiz; eta emakumeen eta gizonen arteko zaintza lanen banaketa desorekatua. Banaketa desorekatu horrek, esan du, " emakumeen desabantaila sozioekonomikoa indartzen du, hezkuntzarako, osasunaren arretarako, bizitza publikorako eta ordaindutako enplegurako duten sarbidea mugatuz”.
Landaidak gogorarazi duenez, zaintza erdigunean jartzeko beharra feminismoaren aldarrikapen handietako bat da, eta, era berean, zaintza horiek balioesteko eta modu orekatuan banatzeko beharra hainbat esparru programatikotan jasotako helburua da hala nola, Nazio Batuek sustatutako Garapen Jasangarrirako 2030 Agendan, edo EAEko Emakumeen eta Gizonen Berdintasunerako Planean bertan, besteak beste.
Kanpainak kartelak (erakundeetara, ikastetxeetara, osasun-zentroetara... bidali dira jada), irrati-iragarkiak, bannerrak eta telebistako spot bat izango ditu eta otsailaren 24tik martxoaren 9ra bitartean egingo da kanpoko euskarrietan, komunikabideetan eta sare sozialetan. Era berean, sare sozialetan #CuidadosVisibles #ZaintzakAgerian traolak erabiltzera gonbidatuko dituzte herritarrak.
Zure interesekoa izan daiteke
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzu hori. Osakidetzako zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du adin txikikoen udalekuetan babesa indartzeko Legea izapidetzea
EH Bilduk eta Sumarrek, aintzat hartzea babestu arren, prozedura kritikatu dute, eta PPk eta Voxek erreforma "zuritzea" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".