Donostiak eta Gasteizek atxilotuen delitu-historia ikusteko aukera izango dute
Berrerortzeari aurre egiteko eta segurtasuna indartzeko neurria da, eta udaltzainek Justizia Ministerioaren artxiboetan izango dute atxilotuen aurrekarien berri zuzenean.
Donostiako eta Gasteizko udaltzainek identifika edo atxilotutako pertsonen delitu-historia ikusteko aukera izango dute, SIRAJ administrazio-erregistroen sistemaren bidez. Zehazki, Espainiako Estatu osoko erregistro judizialak batzen ditu sistema horrek, berrerortzeari aurre egiteko eta segurtasuna indartzeko.
Orain arte, Ertzaintzaren bidez eskuratu dute informazio hori, baina, aurrerantzean, udaltzainek Justizia Ministerioaren artxiboetan zuzenean izan dezakete atxilotuen aurrekarien berri.
Horrela, 68 agentek izango dute sistema horretarako sarbidea, hau da, orain arte baino 57 polizia gehiagok. Urrats horrek bermatuko die genero-indarkeriako kasuei buruzko informazioa eskuratzea, baita kautelazko neurrien, errekisio-neurrien eta epai ez-irmoen berri izatea ere.
Udaltzainek egiten dituzten jardueren azkartasuna eta eraginkortasuna bultzatu nahi dute horrela, baita organo judizialetan delitu arinengatiko epaiketa azkarrak zehazteko agenda desblokeatzea ere.
Orain arte, Bartzelona izan da eskaera hori egin duen hiri bakarra, eta Bilbo aspalditik ari da berrerortze aniztasunaren arazoa aztertzen, nahiz eta oraindik ez duen argitu eskaera hori egingo duen.
Hain zuzen ere, eskaera egiteko eskubidea dute 250.000 biztanletik gorako udalerri guztiek, eta 175.000 biztanletik gorako probintziako edo lurraldeko hiriburuek. Hortaz, EAEko hiru hiriburuek egin dezakete.
Zure interesekoa izan daiteke
Omenaldia egin diote Gasteizen Kerman Villate gazteari, Mitika diskotekako atezain batek emandako kolpe baten ondorioz hilda
Prozesu judizialaren nondik norakoak salatu dituzte Kerman Villate gaztearen senideek, eta egia eta justiziaren bila jarraituko dutela adierazi dute. Ehunka pertsona bildu dira larunbat honetan, omenaldia egiteko.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.
Euskal Autonomia Erkidegoa da Europako zientzia-funtsen bilketaren buru: 10 urtean 1.300 milioi bildu ditu
Espainiako Estatu osoan ere liderra da I+Gko inbertsioan, 2.000 milioi euro baino gehiagorekin, bere BPGaren % 2,35.