Covid-19a gainditu duten 55 urtetik beherakoei txertoaren dosi bakarra emango diete
Espainiako Osasun Ministerioak koronabirusari aurre egiteko txertaketa-protokoloa eguneratu du. Alde batetik, 56-59 urte arteko pertsonekin eta gaixotasun larriak dituzten 60 urtetik beherakoekin bi talde sortu ditu; bestetik, covid-19a gainditu duten herritarrekin nola jokatuko behar den zehaztu dute.
Inoiz covid-19arekin kutsatuta egon diren lagunekin bi talde egin dituzte: 55 urtetik gorakoak eta beherakoak.
Txertoaren lehen dosia jaso duten 55 urtetik gorako pertsonei bigarren dosia hartzea gomendatzen zaie. Lehen dosia hartu ostean gaixotu direnek, berriz, sendatu arte itxaron beharko dute bigarren dosia jartzeko. 55 urtetik beherakoen kasuan, txertoaren dosi bakarra jasoko dute, positibo eman zutenetik sei hilabete baino gehiago igaro ez badira behintzat. Alabaina, bi dosien arteko epealdian kutsatuko balira, bigarren dosia hartu beharko lukete.
Osasun Publikoaren Batzordearen arabera, SARS-CoV-2 birusarekin kutsatu diren pertsonen gehiengo zabalak antigorputzak sortzen ditu eta oso kasu gutxi dira gaitza jasan eta hurrengo sei hilabeteetan berriro gaixotu direnak. Oraingoz, baina, ez dute argitu zenbat denbora egongo diren immunizatuta.
Bestalde, orain arteko informazio zientifikoa kontutan hartuta, txertoa jarri aurretik edo ondoren proba serologikorik ez egitea gomendatzen du Osasun Minsterioak, aholku hauek guztiak behin-behinekoak direla eta informazio berria egiaztatu ahala irizpideetan aldaketak egon daitezkeela azpimarratuta.
Horrez gain, 70-79 eta 60-69 urte arteko taldeak sortu dituzte. 80 urtetik gorakoekin amaitu ostean hasiko dira adin-tarte horietako pertsonei txertoa jartzen.
Halaber, 56-59 urte arteko taldea eratu dute. Aurreko kasuekin bezala, Pfizer eta Moderna konpainiek garatutako txertoak jarriko dizkiete, Sendagaiaren Europako Agentziak bestelako txertorik onartzen ez duen bitartean behintzat.
60 urtetik gorakoei txertoa jarri eta gero, arriskuan dauden 16-18 eta 60 urte arteko herritarren txanda izango da. Alabaina, oraindik ez dute zehaztu zeintzuk diren arriskutsutzat hartuko diren gaitzak.
Protokolo berrian AstraZeneca konpainiaren txertoa emateko gomendioak ere biltzen dira: funtsezkoak diren kolektiboetako –suhiltzaileak, poliziak edota irakasleak- 55 urtetik beherako beharginei zuzenduta dago. Horiei guztiei eman ondoren, 45 eta 55 urte arteko herritarrei jartzea aurreikusi dute.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.