Arguedas perimetralki itxi dute, kutsatzeak areagotu ondoren

Asteburu honetan, azken 14 egunetako intzidentzia-tasa metatua 2.810 kasukoa izan da 100.000 biztanleko.

Osasun saila baheketa masiboa egiten ari da gaur Arguedasen

I. G. | EITB MEDIA

2021/04/05 - 18:20

Azken eguneratzea

2021/04/06 - 12:24

Nafarroako Osasun Departamentuak, Arguedasko Udalari kontsultatu ondoren, ezohiko neurriak hartu ditu herri horretan covid-19aren hedapena geldiarazteko. Kutsatze- eta positibotasun-tasa handiak ditu, eta goranzko joera nabarmena da.

Udalerrian (2.300 biztanle inguru), asteburu honetan, azken 14 egunetako intzidentzia-tasa metatua 100.000 biztanleko 2.810 kasukoa da. Ostiralean, 15 eta 29 urte bitartekoen eta 45 eta 64 urte bitartekoen arteko baheketa egin zen herrian, eta 12 kasu positibo atzeman zituzten egindako 700 probetan (% 1,73ko positibotasuna).

Metatutako intzidentzia handia eta udalerriaren kutsatze kopuru handia direla eta, neurri murriztaile osagarriak hartu dira, hala nola udalerrira sartzeko eta bertatik irteteko pertsonen mugikortasuna mugatzeari buruzkoa. Murrizketa horretatik kanpo geratzen dira laneko, osasuneko, hezkuntzako, ohiko bizilekura itzultzeko, egoera ahulean dauden pertsonei arreta emateko eta ezinbesteko beste arrazoi batzuetarako betebeharrekin zerikusia duten joan-etorriak.

Neurriak gaur sartu dira indarrean, eta, hasiera batean, bi asteko iraupena izango dute, apirilaren 19ra arte, egun hori barne. Hala ere, neurri horiek luzatu, aldatu edo indarrik gabe utzi ahal izango dira, egoera epidemiologikoaren arabera.

Herritarren Arretarako Atalak ohiko galderak biltzen dituen dokumentu bat prestatu du, Arguedasen ezarritako prebentzio-neurriekin lotutakoak jasotzeko.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea

Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.