Sendagaien Europako Agentziak 16:00etan emango du AstraZenecaren inguruko iritzia
Stella Kyriakides Europako Osasun eta Elikagaien Segurtasunerako komisarioak iragarri duenez, Sendagaien Europako Agentziak iritzia emango du "asteazkeneko azken orduan", AstraZenecak covid-19aren aurkako txertoaren eta tronboen arteko harremanari buruz.
Sendagaien Europako Agentziak adierazi duenez, "oraindik ez da ondoriorik atera" AstraZenecaren txertoaren eta Europako herrialde batzuetan txertoa jaso duten pertsonen artean atzeman dituzten tronbo-enbolismo kasu arraroen artean.
Zehazki, Europako Batasunean AstraZenecarekin txertoa hartu duten 9,2 milioi pertsona baino gehiagoren artean 44 garuneko zain-sinuaren tronbosi (oso gaitz arraroa) kasu izan dira.
"Ikerketak martxan jarraitzen du", esan du agentzia erregulatzaileak, eta, ikerketa amaitzeko, aste honetan Zaintza Farmakologikoko Arriskuen Ebaluazio Batzordeak (PRAC) bilerak egingo dituela gaineratu du.
Informazio hori ez dator bat Sendagaien Europako Agentziaren txertoen estrategiaren arduradun Marco Cavalerik Italiako egunkari bati atzo eskainitako elkarrizketa batean adierazi duenarekin, AstraZenecaren txertoaren eta tronboen kasu oso arraroen artean lotura "argia" dagoela esan baitzuen, "nahiz eta oraindik ulertu behar dugun zergatik gertatzen den kontrako efektu hori".
Ebidentziarik ez, oraingoz
Azken topaketan, joan den asteazkenean, PRACek ez zuen kausa-efektu erlazioa baztertu, baina AstraZenecaren eta enbolia horien garapenaren arteko loturaren ebidentzia argirik ere ez zuen aurkitu. Beraz, Sendagaien Europako Agentziaren ustez, covid-19aren aurkako txertoaren onurak ospitaleratu eta hiltzeko arriskua duen gaixotasun batek eragin ditzakeen bigarren mailako edozein arrisku baino gehiago dira oraindik.
Behatutako tronbo-enbolismoen gertaerei buruzko arrisku-faktoreak eta datu gehigarriak identifikatzeko eta, halakorik balego, arrisku potentzial bat definitzeko helburuarekin, Agentziak dei egin zien hematologia, neurologia eta epidemiologiako espezialitateetako kanpoko adituei, detektatutako kasuen alderdi espezifikoak eztabaidatzeko.
Oraingoz, PRACek ez du arrisku-faktore espezifikorik identifikatu, hala nola adina, sexua edo koagulazio-nahasmenduen aurretiazko historial mediko bat, txertoaren ondoren gertatutako tronbo-enbolismo kasu oso arraroak azal ditzakeena, baina arriskua egon zitekeela uste zenez, aztertzen jarraitzea erabaki zuten. Berrikuspen hori Sendagaien Europako Agentziaren azken txostenaren parte izango da.
EBko Osasun ministroen batzarra
Europar Batasunak osasun ministroen premiazko bilera deitu du gaur 18:00etan, sendagaien agentziak AstraZenecari buruz emango duen txostena aztertzeko.
Gainera, Carolina Darias Espainiako Osasun ministroak jakinarazi du horren ondorioz atzeratu egin dutela Lurralde Arteko Kontseiluaren batzarra.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.