EAEko Auzitegi Nagusiak ontzat eman du Aernnovako erregulazio espedientea
EAEko Auzitegi Nagusiak "osorik" ukatu ditu ELAk, LABek, USOk eta Aernnovaren Berantevillako (Araba) enpresa-batzordeak jarritako helegiteak, eta uste du 55 kaleratze gauzatzeko enplegu-erregulazioko espedientea (EEE) legezkoa dela.
Arlo Sozialeko Salak epai bakarrean gaitzetsi ditu sindikatuek aurkeztutako hiru helegiteak. Horietako bi ELA eta LAB sindikatuek aurkeztu dituzte, Berantevillako espedienteari dagozkionak. Hirugarrena, langile batzordeak eta LABek bultzatu dute elkarrekin, Aernnova taldearen aurka, langile guztien % 20ri eragingo dien espedientearen harira.
Goi-auzitegian ez dute uste batera aztertutako hiru helegiteetan salatutako arau-hauste juridikoak ematen direnik, eta ontzat eman dute 55 langileren kaleratzea.
Gainera, epaileen arabera, egiturazko kausek eragin dute espedientea, eta kaleratzeak "zentzuzkoa eta neurrizkoak" dira, "antolaketa produktiboaren eraginkortasunari dagokionez". Hori bai, onartu dute "zoritxarreko lan-sakrifizioa dakarrela" espedienteak.
Bestalde, ELA sindikatuak iragarri du helegitea aurkeztuko duela auzitegiaren epaiaren aurka, eta kritikatu du enpresak, 2014tik egitura-krisia pairatzearen aitzakia pean, espedientea neurrizkotzat jotzea. Diotenez, "alde batera utzi dute 2019an, pandemiaren aurreko urtean, taldeak 38,88 milioi euro irabazi zituela".
"Onartezina iruditzen zaigu diru publikoaz elikatu diren enpresei kontrol judizial sakona ez egitea lantaldearen berregituraketa egiten dutenean. Horren ordez, indarrean dagoen legediaren interpretazio malgua egiten dute, enpresa horien mesedetan", salatu du sindikatuak.
ELAk argudiatu duenez, badira epaia "baliogabetzeko kausak", eta horrek "egiaztatu du borroka sindikala eta greba tresna eraginkorrenak direla lanpostuak babesteko".
Zure interesekoa izan daiteke
Lezaman hilik aurkitutako gizonaren ustezko hiltzailea atxilotu dute Bilbon
Biktima 60 urteko Barakaldoko bizilaguna zen. Joan zen ostiralean aurkitu zuten hilik Lezamako Ganguren gainaren inguruan.
Epaiketan, bederatzi gaztek ziurtatu dute euren entrenatzaileak, Osasunako ikuskatzaile ohiak, sexu-mezuak bidaltzen zizkiela
Errioxako Auzitegiak auzipetuaren aurkako lehen saioa egin du astearte honetan, 16 urtetik beherakoei sexu-abusuak egitea egotzita.
Yala Nafarroak otsailaren 21ean kalera irteteko deia egin du Palestina ahaztu ez dadin
Manifestazioa 17:00etan egingo dute, Iruñean, Israelgo Estatuaren zigorgabetasuna salatzeko. Egun horretan Osasunaren eta Real Madrilen partidara joango diren zaleek ere manisfestaziora joateko aukera izango dutela azpimarratu du elkarteak.
Elisa Mouliaak aurrera jarraituko du Errejonen aurkako akusazioarekin, eta laguntza eskatu die beste biktimei
Aktorearen hitzetan "arbuiagarria da" Fiskaltzak diputatu ohiaren absoluzioa eskatu izana, Mouliaak auzitik irtetea erabaki ostean. Azaldu duenez, hamar hilabetez egon da Errejonek "jazarri, umiliatu eta inbaditu" zuela "frogatzen". Errejonen beste biktima batzuei auzian "gutxienez modu anonimoan" agertzeko eskatu die.
Arartekoak kritikatu du zezenketen legeak ez dituela adingabeengan sortzen dituen eraginak kontuan hartzen
Arauak sokamuturra, errekortariak edo entzierroak bezalako ospakizunei buruz dihardu, betiere 16 urtetik beherakoentzat badira eta tutoreen baimena behar badute.
?fmt=png-alpha&qlt=80)
Euskadiko biztanleen % 10,2 atzerritar nazionalitatekoak dira eta % 14 atzerrian jaioak
Zehazki, iazko urtarrilean 226.367 biztanlek zuten atzerritar nazionalitatea Euskadin, hau da, biztanleria osoaren % 10,2; 2024ko urtarrilean baino hiru hamarren gehiago, eta Espainiako Estatuko % 14,1eko batezbestekoaren azpitik.
35 urteko preso bat hil da Arabako espetxean
Espetxeetako egoera salatzeko, elkarretaratzea deitu du Salhaketa elkarteak datorren ostiralerako, 12:30ean, Gasteizko Andre Maria Zuriaren plazan.
Errejonek ez du ahozko epaiketaren hasieraren jakinarazpena jasoko, Mouliaak salaketa erretiratu ote duen argitu arte
Elisa Mouliaak agerraldia egingo du gaur, asteartea, eguerdian, "akusazio partikularrak jarraituko duen ala ez iragartzeko". Alfredo Arrien abokatuarekin batera agertuko da kazetarien aurrean, atzo bertan "zer erabaki hartu aztertzen" ari zela jakinarazi ostean.
Gizon bat ikertzen ari dira, Beran, semearen eskola-autobuseko gidariari eraso egiteagatik
Antza denez, adingabea lo geratu zen autobusean, eta ez zen ohiko geltokian jaitsi. Ondoren, ibilgailua aparkatuta zegoen lekuan aurkitu zuten.
Gizon baten gorpua aurkitu dute Leioako etxebizitza batean
Larunbatean aurkitu zuten gorpua, eta autopsia egin ondoren, Ertzaintzak ikerketa abiatu du gertatutakoa argitzeko.